Sosue 1:7 - Tosi Tapu

⁷ Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Sosue 1:7 ပူးပေါင်းရင်းမြစ်များ

Uluaki tosi o Sau 2:2

Ka kau ano loa i le ala o le malama nei katoa. Koia ke ke fakamakeke ai a koe, ti ke ke gali ko se tagata !

Uluaki tosi o Sau 2:3

Tausi a fakatotonu a le Eteleno, lou Atua, o ke saele i ona ala, ti mo taupau ana lao, mo ana fakatotonu, mo ana fakamaau, ti mo ana pelesepeto, o mulimuli ki le nea leia e tuu i le lao a Moisese, o tupu ke ke manuia i nea fuli ala e ke fai loa, ti mo ganea fuli ala e ke maliu loa ki ai,

Lua tosi o Sau 22:2

Na fai loa e Sosiasi le nea leia e malie ki le Eteleno, ti na saele loa a ia i le ala katoa o Tavite, lona tamana ; na leaise toe se loa a ia ki tafa.

Uluaki tosi o Koloniko 22:13

Ti e manuia loa au nea fuli, mo kapau e ke tokaga o fai a lao mo fakatotonu ala na tosi e le Eteleno kia Moisese o uiga mo Iselaele. Ke ke makeke mo loto toa, aua na ke tuania mo ke i ki se nea.

Lua tosi o Koloniko 15:7

Koia ke kotou fakamakeke, ti ke aua na kotou tuku ke gaegae okoutou lima, talie e i ai loa se totogi ki akoutou gaoi.

Lua tosi o Koloniko 26:5

Na fakamalotoloto loa a ia o afa le Atua i le lolotoga o le mauli o Sakalia, leia na poto i le iloa o nea ala na sa mei le Atua ; ti na fakamanuia loa a ia e le Atua i le temi leia na afa ai loa e ia le Eteleno.

Sopo 1:8

Na pati loa le Eteleno kia Satana : Pe kua ke tokagai laku tagata fakasausau ko Sopo ? E leaise tatau se tasi mo ia i le malama nei ; ko se tagata saosaoa mo agatonu, mo i ki le Atua, ti mo fakamamao mei le veli.

Pesalemo 80:19

Ti e leaise motou toe fakamamao loa iate koe. Toe fakamauli matou, ti e motou fetapa loa ki lou suafa.

Taagapati 4:27

Aua na ke maliu ki le fetuu atamai pe ko le fetuu sema, Ti fakamamao lou vae i le veli.

Taagapati 8:20

E kau saele i le ala o le faitotonu, I loto malie o ala o le maokioki,

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Numelo 27:23

Na teki loa e ia ona lima kia Sosue, o tuku kiate ia ni fakatotonu, o mulimuli ki le nea leia na fakasa e le Eteleno kia Moisese.

Tetelonome 11:8

Koia, ke kotou fai loa a folafola fuli ala e kau tuku atu kia koutou i le aso nei, o tupu ke kotou maua le makeke leia e aoga ki le too o le fenua leia e kotou ulu loa ki ai,

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 28:14

mo kapau e leaise ke maliu loa ki le fetuu atamai pe ko le fetuu sema o folafola fuli ala e kau tuku atu kia koutou i le aso nei, o pipiki loa ki ni atua kese ti mo su loa kia latou.

Tetelonome 29:8

Na tou too loa lolatou fenua ti na tou tuku loa a ia ki le kau Lupeni, mo le kau Kate, mo le vaelua o le kau Manase.

Tetelonome 29:9

Koia ke kotou tausi loa a folafola o le sai leinei ti ke kotou fai loa latou, o tupu ke kotou malo i nea fuli ala e kotou fai loa.

Tetelonome 31:7

Na kalagai loa e Moisese a Sosue, o pati kiate ia i mua o Iselaele katoa : Ke ke fakamakeke ti ke ke loto makeke, talie e ke ulu loa mo le kakai leinei ki le fenua leia na fakapapau e le Eteleno ki olatou tamana ke tuku kia latou, ti ko koe leia e tufa ia loa kia latou olatou tofiga.

Tetelonome 4:2

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.

Tetelonome 5:32

Koia ke kotou tokaga ai o fai le nea leia na fakatotonu kia koutou e le Eteleno, lokoutou Atua. Ke aua na kotou maliu loa ki le fetuu atamai pe ko le fetuu sema.

Sosue 1:1

I le oki o le mate o Moisese, tagata fakasausau a le Eteleno, na pati loa le Eteleno kia Sosue, vosa o Nune, tagata fakasausau a Moisese :

Sosue 1:8

Ke aua na mamao loa mei lou gutu le tosi leinei o le lao ; kae ke ke metitasio a ia i le ao mo le pouli, o tupu ke ke agatonu ki nea fuli e tuu i ai ; talie koia e ke manuia ai loa i ou ala, koia e ke poto ai loa.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 11:15

Na fai loa e Sosue a fakatotonu a le Eteleno ki lona tagata fakasausau ko Moisese, ti na toe tuku loa e Moisese kia Sosue ; na leaise tiaki noa loa e ia se nea fua e tasi i nea fuli ala na fakatotonu e le Eteleno kia Moisese.

Sosue 23:6

Ke kotou tokaga o tausi i lokoutou loto katoa ti mo fai a nea fuli ala e tuu i le tosi lao a Moisese, ke aua na kotou se ki le fetuu atamai pe ko le fetuu sema.