Sosue 1:6 - Tosi Tapu

⁶ Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 1:6 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Lua tosi a Samuele 10:12

Ke ke loto toa, ti ke ta fia tagata, o tupu ko lotatou kakai mo kolo o lotatou Atua, ti ke fai loa e le Eteleno le nea leia e malie kiate ia !

Uluaki tosi o Sau 2:2

Ka kau ano loa i le ala o le malama nei katoa. Koia ke ke fakamakeke ai a koe, ti ke ke gali ko se tagata !

Uluaki tosi o Koloniko 22:13

Ti e manuia loa au nea fuli, mo kapau e ke tokaga o fai a lao mo fakatotonu ala na tosi e le Eteleno kia Moisese o uiga mo Iselaele. Ke ke makeke mo loto toa, aua na ke tuania mo ke i ki se nea.

Uluaki tosi o Koloniko 28:10

Ke ke iloa papau kua filifili a koe e le Eteleno i le aso nei, o tupu ke ke fakatuu kiate ia se fale ko lona sagatualio. Ke ke fakamakeke ti ke ke gaoi.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Lua tosi o Koloniko 15:7

Koia ke kotou fakamakeke, ti ke aua na kotou tuku ke gaegae okoutou lima, talie e i ai loa se totogi ki akoutou gaoi.

Lua tosi o Koloniko 20:11

ko leinei latou kua lotou fakapale matou i le aso nei, o au ke kapu matou i lou tofiga, le fenua leia na ke soli mai kia matou.

Lua tosi o Koloniko 20:7

Pe leaise ko koe, ei lomatou Atua, leia na kapu ia le kakai o le fenua leinei, i mua o lou kakai ko Iselaele, ti na soli ia a ia o lee gato ki le sakoga o Apalaamo leia na alofa kiate koe ?

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Numelo 26:53

E vae loa le fenua kia latou, ke lotou maua tofiga a ia, o mulimuli ki le lasi o igoa.

Numelo 33:53

Ke kotou too loa lolatou fenua, o kotou nofoi loa, talie kua kau soli atu a ia kia koutou, ko lokoutou fenua a ia.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Tetelonome 1:21

Tio, e tuku e le Eteleno, lou Atua, le fenua ki ou mua. Pale, o too a ia, ofai ki le nea leia na fakasa kiate koe e le Eteleno, le Atua o okoutou tamana. Ke aua na ke i, ti ke aua na ke loto gaegae.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 11:8

Koia, ke kotou fai loa a folafola fuli ala e kau tuku atu kia koutou i le aso nei, o tupu ke kotou maua le makeke leia e aoga ki le too o le fenua leia e kotou ulu loa ki ai,

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.

Sosue 1:18

E tautea loa ki le mate a tagata fuli e fakatutuu loa ki lau lagiaki, ti e leaise fakalogo loa ki nea fuli e ke fakatotonu loa ki ai. Ko leia fua ke ke fakamakeke, ti mo ke loto toa !

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 10:25

Na pati loa Sosue : Ke aua na kotou i, ti ke aua na kotou tuania, kae ke kotou fakaloto makeke ti ke kotou fia tagata, talie e feneeki loa le fai e le Eteleno ki okoutou fili fuli ala ka kotou taui ia loa.

Sosue 13:6

mo le kakai katoa o le mauga, mei le Lipane o kaku ki Misilefoti-Maimi, le kau sitonia fuli. E kau kapu loa latou i mua o fanau a Iselaele. Soli fua le fenua leinei ki Iselaele ki le toso ke lotou maua tofiga, o mulimuli ki le nea leia na kau fakatotonu atu kiate koe ;

Sosue 18:3

Na pati loa Sosue ki fanau a Iselaele : E kotou talitali loa kiafea ke too le fenua leia na soli kia koutou e le Eteleno, le Atua o okoutou tamana ?

Sosue 21:43

Na soli loa e le Eteleno ki Iselaele le fenua katoa leia na fakapapau e ia ke soli ki olatou tamana ; na lotou too loa a ia ti na lotou nonofo loa i ai.

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.

Uluaki tosi a Samuele 4:9

Ke kotou fakamakeke ti ke kotou faipe ni tagata, kau Filisitini, o tupu ke aua na kotou popula ki le kau Epeleo ofaipe lolatou popula kia koutou ; ke kotou faipe ni tagata ti ke kotou tau !