Sosue 1:5 - Tosi Tapu

⁵ E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Sosue 1:5 ပူးပေါင်းရင်းမြစ်များ

Senesi 39:2

Na nofo loa le Eteleno mo ia, ti na ano loa le manuia mo ia ; na nofo a ia i le fale o lona pule, le tagata Esipito.

Uluaki tosi o Sau 1:37

Ke nofo le Eteleno mo Salomone ofaipe lana nofo mo loku aliki le sau, ti ke siki e ia lona ekeekeaga fakasau i aluga o le ekeekeaga fakasau o loku aliki le sau ko Tavite !

Uluaki tosi o Sau 11:38

Kapau e ke fakalogo ki nea fuli ala e kau fakatotonu loa kiate koe, kapau e ke saele i oku ala, ti kapau e ke fai le nea leia e totonu i oku mua, o tausi aku lao mo aku fakatotonu, ofaipe lona fai e Tavite, laku tagata fakasausau, e kau nofo loa mo koe, ti e kau fakamakeke loa lou sakoga ofaipe laku fakamakeke le sakoga o Tavite, ti e kau soli loa kiate koe Iselaele.

Uluaki tosi o Sau 6:13

e kau nofo loa i loto malie o fanau a Iselaele, ti e leaise kau tiaki loa loku kakai ko Iselaele.

Uluaki tosi o Sau 8:57

Ke agai mo tatou le Eteleno, lotatou Atua, ofaipe lana nofo mo otatou tamana ; ke aua na tuku noa e ia tatou mo tiaki e ia tatou,

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Selemia 1:8

Aua na ke i kia latou, talie e kau nofo mo koe o saofaki a koe, e pati le Eteleno.

Taniela 11:16

E tau loa le sau o le noleto kiate ia, ti e fai loa e ia le nea leia e loto a ia ki ai, ti e leaise tuu loa se tasi i ona mua ; e nofo loa a ia i le fenua manuia, o tamate a nea fuli ala e vilo ki lona lima.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Loma 8:37

Kae i nea fuli ana, e motou malo lasi i leia e alofa kia tatou.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 20:4

Talie e saele le Eteleno, lokoutou Atua, mo koutou, o tau mo koutou ki okoutou fili, o tupu ke fakamauli koutou.

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Tetelonome 4:31

talie ko le Eteleno, lou Atua, ko se Atua manava alofa, leia e leaise tiaki ia loa a koe ti e leaise maumaui oki ia loa a koe : e leaise galoi loa e ia le fakapapau leia na fai e ia ki ou tamana.

Tetelonome 7:24

E tuku loa e ia olatou sau ki ou lima, ti e ke fakapuli loa olatou igoa i lalo o le lagi : e leaise toe tuu loa se tasi i ou mua, o kaku ki lau maumaui latou fuli.

Lua tosi kia Timoteo 4:17

Kae ko le Aliki leia na tuu mo au ti na fakamakeke ia au, o tupu ke kau fakasa le akonaki katoa ti ke logo ki ai le kau pagani fuli. Ti na fakamauli au mei le gutu o le laione.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe

Sosue 1:17

E motou fakalogo atu loa kiate koe i nea fuli, ofaipe lamatou fakalogo kia Moisese. Ko leia fua ke nofo mo koe le Eteleno, lou Atua, ofaipe lana nofo mo Moisese !

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 10:8

Na pati loa le Eteleno kia Sosue : Ke aua na ke i kia latou, talie e kau tuku loa latou ki ou lima, ti e leaise toe tuu loa se toka tasi o latou i ou mua.

Sosue 21:44

Na tuku loa e le Eteleno kia latou le malolo i olatou koiga fuli, o fai ki lana fakapapau ki olatou tamana. Na leaise toe tuu se tasi o ona fili i olatou mua : talie na tuku loa latou e le Eteleno ki olatou lima.

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Sosue 6:27

Na nofo loa le Eteleno mo Sosue, ti na mafola loa lona logologona i le fenua katoa.

Tuifakamaau 2:18

I le temi leia na tuku ai loa e le Eteleno kia latou ni tui fakamaau, na nofo loa le Eteleno mo le tui fakamaau o saofaki latou mei le lima o olatou fili i le temi katoa o le tui fakamaau ; talie na alofa loa le Eteleno kia latou o tupu ko alatou tagi i mua o latou ala na fakavelivelii ia latou ti mo fakamamae ia latou.

Tuifakamaau 6:16

Na pati loa le Eteleno kiate ia : Kae e kau nofo loa mo koe ti e ke tamate loa Matiane ofaipe se tagata e tasi.

Uluaki tosi a Samuele 10:7

I le oki loa o le fakasoko o fakamailoga anei kiate koe, e ke fai loa le nea leia e tonu ke ke aga o fai, talie e nofo le Atua mo koe.