Sosue 1:4 - Tosi Tapu

⁴ E kamata loa lokotou fenua mei le toafa, i le saute, o kaku ki mauga o Lipane, i le noleto, ti mei le vaitafe lasi ko le Eufalate, i le esite, o ano i le fenua katoa o le kau Eti, o kaku ki le tai lasi ko le Metitelanea, i le uesite.

Sosue 1:4 ပူးပေါင်းရင်းမြစ်များ

Uluaki tosi o Sau 10:29

na pale ake mo mavae ake le saliote e tasi mei Esipito ki fa piesi paaga e kau lelau ono, ti ko le osi e tasi ki fa piesi paaga e kau lelau kau lima. Na lotou toe aumai foki ni saliote mo ni osi ki sau fuli o le kau Eti mo sau o Silia.

Uluaki tosi o Sau 4:21

Na koi pule Salomone ki puleaga fuli mei le vaitafe ko le Eufalate o kaku ki le fenua o le kau Filisitini ti mo le koiga o Esipito ; na lotou aumai ni nea alofa, ti na tukusau kia Salomone i le temi katoa o lona mauli.

Uluaki tosi o Koloniko 18:3

Na tamate loa e Tavite a Atalesele, sau o Tesopa, i Amate, i le lolotoga ano a Atalesele ke fakamakeke lana pule ki le Eufalate.

Uluaki tosi o Koloniko 5:9

i le potu esite, na nofo a ia o kaku ki le kamataaga o le toafa mei le vaitafe ko Eufalate, talie na lasi ai alatou kau manu i le fenua o Kalaate.

Esetalasi 4:20

Na i ai loa i Selusalemi ni sau makeke, ala na pule ki le fenua katoa o le fetuu lena o le vaitafe, ti na totogi kia latou ni tukusau mo ni maua, ti mo ni tute.

Ekesote 23:31

E kau fakatuu loa ou koiga mei le tai Kula o kaku ki le tai o le kau Filisitini, mei le toafa o kaku ki le vaitafe ; talie e kau tuku loa ki ou lima a kakai o le fenua, ti e ke kapu loa latou i ou mua.

Tetelonome 1:7

Kotou maliu, o ano ; kotou ano ki le mauga o le kau Amole, mo fenua ala e ofi ki ai, i le fenua laumalie, i le fenua o mauga liliki, i le fenua o le Solotane, i le fenua saute, i le fenua o le mata tai, i le fenua o le kau Kanaane mo le Lipane, o kaku ki le vaitafe lasi ko le Eufalate.

Tetelonome 11:24

E kotou maua loa ganea fuli ala e takafi loa e le taga vae o lokoutou vae : e kamata atu loa lokoutou koiga i le toafa o kaku ki Lipane, ti mo le vaitafe ko le Eufalate o kaku ki le tai uesite.

Tetelonome 3:25

E kau kole atu kiate koe ke fakataga mai kiate au ke fakalaka i le Solotane, o tio ki le fenua malie i leia kauvai, ki ona mauga fulumalilie mo le Lipane.

Apokalipisi 9:14

ti na pati loa ki le ono aselo leia e nofo mo le fakatagi pupusi : Veteki a aselo e fa ala na sai i le vaitafe lasi, ko le Eufalate.