Sosue 1:2 - Tosi Tapu

² Kua mate laku tagata fakasausau ko Moisese. I le aso nei, tuu ki aluga o fakalaka i le Solotane leinei, a koe mo le kakai katoa leinei, o ulu ki le fenua leia e kau soli ki fanau a Iselaele.

Sosue 1:2 ပူးပေါင်းရင်းမြစ်များ

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Neemia 9:23

Na ke liuliuga loa olatou vosa ofaipe fetuu o le lagi, ti na ke fakaulu loa latou ki le fenua leia na ke fakasa ki olatou tamana, leia ke lotou maua tofiga.

Sopo 1:8

Na pati loa le Eteleno kia Satana : Pe kua ke tokagai laku tagata fakasausau ko Sopo ? E leaise tatau se tasi mo ia i le malama nei ; ko se tagata saosaoa mo agatonu, mo i ki le Atua, ti mo fakamamao mei le veli.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Numelo 12:7

Kae e leaise felaaki ki laku tagata fakasausau ko Moisese. E agatonu a ia i loku fale katoa.

Tetelonome 3:28

Tuku au fakatotonu kia Sosue, ti ke tokoi kiate ia, ti ke fakamakeke lona loto ; talie ko ia leia e fakalaka loa i mua o le kakai lena i le Solotane, ti ko ia leia e tuku ia loa ki fanau a Iselaele le fenua lena kua ke tio ki ai mei mamao.

Tetelonome 31:7

Na kalagai loa e Moisese a Sosue, o pati kiate ia i mua o Iselaele katoa : Ke ke fakamakeke ti ke ke loto makeke, talie e ke ulu loa mo le kakai leinei ki le fenua leia na fakapapau e le Eteleno ki olatou tamana ke tuku kia latou, ti ko koe leia e tufa ia loa kia latou olatou tofiga.

Tetelonome 34:5

Na mate loa Moisese, tagata fakasausau a le Eteleno i lena, i le fenua o Moape, o mulimuli ki le fakatotonu a le Eteleno.

Sosue 1:1

I le oki o le mate o Moisese, tagata fakasausau a le Eteleno, na pati loa le Eteleno kia Sosue, vosa o Nune, tagata fakasausau a Moisese :

Sosue 1:11

Ke kotou folii le nofolaga, ti ko leinei le nea ke kotou fakatotonu loa ki le kakai : Ke kotou teuteu loa ni nea kai, talie ka oki loa a aso e tolu, e kotou fakalaka loa i le Solotane leinei, o ano o too le fenua leia na soli atu kia koutou e le Eteleno, lokoutou Atua.