Sosue 1:11 - Tosi Tapu

¹¹ Ke kotou folii le nofolaga, ti ko leinei le nea ke kotou fakatotonu loa ki le kakai : Ke kotou teuteu loa ni nea kai, talie ka oki loa a aso e tolu, e kotou fakalaka loa i le Solotane leinei, o ano o too le fenua leia na soli atu kia koutou e le Eteleno, lokoutou Atua.

Sosue 1:11 ပူးပေါင်းရင်းမြစ်များ

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Tetelonome 11:31

Talie kua vave fua lakotou fakalaka i le Solotane, o ano o too le fenua leia e soli kia koutou e le Eteleno, lokoutou Atua. Ke kotou too a ia ti ke kotou maua tofiga a ia.

Tetelonome 3:18

I le temi lena na kau tuku loa kia koutou le fakatotonu leinei : Ko leinei, kua soli loa e le Eteleno, lokoutou Atua, kia koutou le fenua leinei e tuu i le fetuu esite o le Solotane ; ke too loa e tagata tau fuli o koutou alatou masafu, o fakalaka i le Solotane i mua okoutou fetaina, ala ake fanau a Iselaele.

Tetelonome 9:1

Ke ke fakalogo, Iselaele ! E ke fakalaka loa i le aso nei i le Solotane, o ano loa o maua ni puleaga ala e lalasi ake mo makeke ake iate koe, mo ni kolo lalasi ala kua fakamakeke o kaku ki le lagi,

Sosue 1:10

Na tuku loa e Sosue le fakatotonu leinei ki le kau ofisa o le kakai :

Sosue 1:2

Kua mate laku tagata fakasausau ko Moisese. I le aso nei, tuu ki aluga o fakalaka i le Solotane leinei, a koe mo le kakai katoa leinei, o ulu ki le fenua leia e kau soli ki fanau a Iselaele.

Sosue 3:2

I le sili o aso e tolu, na ano loa ni tagata ofisa i loto o le nofolaga,