Sopo 9:31 - Tosi Tapu

³¹ E ke fakauku loa au ki le pela, Ti e kau fakalialia loa ki oku teu.

Sopo 9:31 ပူးပေါင်းရင်းမြစ်များ

Sopo 14:17

Kua ke sai fakamaumau aku sala i se taga, Ti e ke toe fakakaukaui ni iki ake agaveli kiate au.

Sopo 15:6

E leaise ko au, kae ko lou gutu leia e fakalakasala ia a koe ; Ko ou laugutu ala e fakamaoki kiate koe.

Sopo 35:3

Talie e ke pati : Kolea lona aoga kiate au, Kolea laku nea e maua i laku agatonu ?

Sopo 9:20

Kapau e kau agatonu, kae fakalakasala loa au e loku gutu totonu ; kapau e kau saosaoa, kae e fakamaoki loa a ia ki loku fakalakasala.

Sopo 9:30

Talie kapau e kau maanu loa i le nive, Ti kapau e kau fakamea loa oku lima ki se topa,

Sopo 9:32

E leaise ko se tagata a ia ofaipe au, ke kau tali kiate ia, Ti ke ma ano fakatasi ki le fakamaauaga.

Esaia 59:6

Ko nea ala na lotou lalaga e leaise aoga ke fai ai se kofu, Ti e leaise mafai ke lotou lava ki alatou gaoiaga ; Ko alatou gaoi ko ni gaoi o le agasala, Ti e maua i olatou lima ni gaoi o le agamakeke.

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Selemia 2:22

Pe ke maanu loa ki se sota, Pe ke fakaaoga loa se topa lasi, E mailoga tuumau loa lau agaveli i oku mua,. E pati le Aliki, le Eteleno.

Naume 3:6

E kau laku loa kiate koe ni kelekele, E kau fakakelekele loa a koe, Ti e kau fakatuu loa a koe ko se nea ke tioi.