Sopo 9:24 - Tosi Tapu

²⁴ Ka vilo se fenua ki lima o se tagata tukipo, E tapono e le Atua a mata o le kau tui fakamaau. Ti kapau e leaise ko ia, ti ko ai loa ?

Sopo 9:24 ပူးပေါင်းရင်းမြစ်များ

Lua tosi a Samuele 15:30

Na pale loa Tavite ki le mauga o oliveto. Na pale tagi a ia, ti na pulou lona fa ulu, ti na saele kilii vae a ia ; ti na pulou foki a ulu o latou fuli ala na nonofo mo ia, ti na lotou pale fetagisi.

Lua tosi a Samuele 19:4

Na puloui loa e le sau ona mata, ti na tagi loa a ia o leo lasi : Loku vosa ko Apesalone ! Apesalone, loku vosa, loku vosa !

Esitele 6:12

Na toe liliu loa Maletoseo ki le matapa o le sau, kae na ano fakatavili loa Amane ki lona fale, kua uufi ona mata i le lasi o lona luma.

Esitele 7:8

I le toe liliu mai a le sau mei le oloto o le fale sau ki le kogafale o le kai, na tio loa a ia ki le oso a Amane ki le palepale leia na nofo ai Esitele, ti na pati loa a ia : Pe toe loto foki a ia ke fakamakekei e ia le fafine sau i oku mua, i loku fale sau ? I le temi fai leia na ulu mai ai le masau lena mei le gutu o le sau, na puloui loa a mata o Amane.

Sopo 10:3

Pe malie kiate koe le fakaveliveli mo le tiaki o leia na ke fakatupu ia, Kae ke fakamanuia a fakatuutuu a le kau agasala ?

Sopo 12:17

E ave popula e ia le kau fakakaukau ; E fakavalea e ia le atamai o tui fakamaau.

Sopo 16:11

Kua tuku au e le Atua ke faitalisa ki ai le kau agasala, Ti kua ti e ia au ki lima o le kau agaveli.

Sopo 19:7

Ko leinei, e kau tagi o tupu ko le fakamakeke, kae e leaise tali mai se tasi kiate au ; E kau tagi ki le fakamaau, kae e leaise fakamaau !

Sopo 22:8

Kae na tuku le fenua ki leia e makeke, Ti na ke tuku leia e lasi ke nofo i ai.

Sopo 24:12

I kolo e logoi ai a tukumanava a latou ala kua vave fua le mate, Ti e tauvasa le laumalie o le kau lavelavea… Kae e leaise tokaga fua le Atua ki nea fakalialia ana !

Sopo 24:25

Kapau e leaise ko le maoki a ia, Ti ko ai leia e pati mai loa e kau loi ? Ko ai leia e fakanoai ia loa aku masau ?

Sopo 32:2

Ti na malaga loa le ita o Eliu, vosa o Palakeele mei Pusi, mei le famili o Lame. Na malaga loa lona ita kia Sopo, o tupu na pati a ia e faitotonu a ia i mua o le Atua.

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Ekelesiasi 4:1

Na kau fakakaukau foki ki fakamakeke fuli ala e fai i le lalo laa ; ti ko leinei, kua taomia le kakai, mo fetagisi, ti e leaise tasi ke fakapelepelei ia latou ! E kau le pule mo le kau fakamakeke, kae e leaise tasi ke fakapelepelei ia latou.

Selemia 14:4

Kua mafaafaa le kele Talie e leaise to se ua i le fenua, Ti kua luma le kau gaoi kele ti kua lotou pulou olatou ulu.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?