Sopo 9:12 - Tosi Tapu

¹² Kapau e too e ia, ko ai e fakafesagai loa kiate ia ? Ko ai e pati loa kiate ia : Kolea e ke fai ?

Sopo 9:12 ပူးပေါင်းရင်းမြစ်များ

Lua tosi a Samuele 16:10

Kae na pati loa le sau : E leaise kolua kau i ai, vosa o Teselusa ; tuku ke fakamalaia e ia au, talie kua pati le Eteleno kiate ia : Fakamalaia Tavite ! Ti ko ai e pati loa kiate ia : Kolea e ke fai felaaki ai ?

Sopo 1:21

O pati : Na kau au telefua mei le manava o loku tinana, ti e kau toe liliu telefua loa ki le manava o le kele. Na soli e le Eteleno, ti kua toe too e le Eteleno ; ke fakafetai ki le suafa o le Eteleno !

Sopo 10:7

Kae e ke iloa malie e leaise kau lakasala, Ti e leaise tasi e mafai ke saofaki ia au mei lou lima ?

Sopo 11:10

Kapau e too e ia se tasi i lana fakalaka, o ave ki lana fakamaauaga, Ko ai loa e fakafesagai kiate ia ?

Sopo 23:13

Kae kua oki lana fakatuutuu i le fai ; ko ai e toe fakatuu ia loa a ia ? E fai e ia le nea leia e oli ki ai lona loto.

Sopo 33:13

Pe ke fia visi loa mo ia, Talie e leaise fakamatala e ia ana nea ala e fai ?

Sopo 34:29

Kae i le tasi anoaga, kapau e leaise loto le Atua ke fai ia se nea, ko ai e fakalakasala ia a ia ? Ti kapau e mumuni a ia, ti ko ai e feala ke toe tio kiate ia ? E fai fakatatau e ia ki se puleaga, pe ko se tagata,

Ekelesiasi 8:4

E makeke le masau a le sau, ti ko ai e pati loa kiate ia : Kolea e ke fai ?

Esaia 43:13

E kau Atua talu le kamataaga, Ti e leaise tasi e saofaki ia mei loku lima ; E kau gaoi loa : ko ai e taofi ia loa au ?

Esaia 45:9

Malaia leia e fakatutuu ki leia na fakatupu ia a ia ! A koe ko le ipu kele i loto malie o ni ipu kele ! Pe feala ke pati le kele kula ki le tagata leia e gaoi ia a ia : Kolea e ke fai ? Pe pati le ipu ki le tagata faiipu : E leaise ke poto ?

Selemia 18:6

Pe leaise mafai ke kau fai kia koutou, ofaipe le tagata faiipu leinei, fale o Iselaele ? E pati le Eteleno. Ko leinei, ofaipe le kele kula i le lima o le tagata faiipu, E kotou felaaki i loku lima, fale o Iselaele !

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Mateo 11:26

Io, Tamana, e kau fakafetai kiate koe talie ko lou loto ke fenaaki.

Mateo 20:15

Pe se taga kiate au ke kau fai ki loku koloa o mulimuli ki le nea leia e kau loto ki ai ? Pe ke tio fakaveli ki loku agamalie ?

Loma 11:34

Ko ai na iloa ia le manatu a le Aliki, Pe ko ai na ako ia a ia ?

Efeso 1:11

Iate ia kua tou liliu foki ko fanau mau tofiga, talie kua filifili fakatomua e ia tatou o mulimuli ki le fakatuutuu a leia e fai ia a nea fuli o mulimuli ki le tokoi o lona finegalo,