Sopo 8:13 - Tosi Tapu

¹³ Ko lena le nea leia e soko kia latou fuli ala e galoi ia le Atua ; E puli loa lena le amanaki malie a le tagata agaveli.

Sopo 8:13 ပူးပေါင်းရင်းမြစ်များ

Sopo 11:20

Kae e gaegae loa a mata o le kau agaveli, e leaise se solaaga kia latou ; Ti ko le mate, ko lena lolatou amanaki fakamuli.

Sopo 13:16

Ti kapau e manuia, ti e kau malo loa, Talie e leaise mafai ke tuu se tagata agaveli i mua o le Atua.

Sopo 15:34

Io, e liliu loa o paa le fale o le tagata agaveli, Ti e tutu loa e le afi le falela o le tagata kua fakalialia o tupu ko koloa.

Sopo 18:14

E taaki a ia mei lona fale leia na fimalie ai, O ave ki le sau o le fenua o le kau mate.

Sopo 20:5

E toetoe fua le malo a le tagata agasala, Ti e leaise fualoa le fiafia a le tagata agaveli ?

Sopo 36:13

E itaita le kau malualoi ki le Atua, Kae e leaise lotou tagi kiate ia mo ka sai latou e ia ki ni tini.

Sopo 8:12

Koi se a ia, ti na leaise tuuti a ia, kae ka sala vai, Ti e uluaki malo a ia i la ake mouku fuli.

Pesalemo 1:4

E leaise fenaaki le kau agaveli : E lotou faipe le penu leia e viligia i le matagi.

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Pesalemo 112:10

E tio ki ai le tagata agaveli, ti e itaita a ia ; E gugu e ia ona nifo, ti e okioki a ia ; E pupuli noa a oli o le kau agaveli.

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Pesalemo 9:17

E fakasa e le Eteleno lona anoaga totonu, e fakasa e ia lona faitotonu : E sai e ia le tagata agaveli ki le gaoi o ona lima. -Musika. -Manava.

Taagapati 10:28

Ko le amanaki malie a le kau agatonu ko le fiafia ata, Kae e vaiga le amanaki malie a le kau agaveli.

Taagapati 11:7

I le mate o le tagata agaveli, e mate lana amanaki malie ; Ti e vaiga le amanaki malie a le kau agaveli.

Taagapati 12:7

Ka sisiga le kau agaveli, e leaise toe maua latou ; Kae e tuu makeke i aluga le fale o le kau agatonu.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Tagi laulau a Selemia 3:18

Ti na kau pati : Kua puli loku makeke, E leaise koi kau maua se amanaki malie ki le Eteleno !

Mateo 24:51

Ti e tautea fakaveliveli loa e ia le tagata fakasausau lena, o soli kiate ia lona vaega mo le kau malualoi : Ko lena le ganea leia e maua ai loa ni tagi mo ni fetati o nifo.

Tetelonome 6:12

Ka ke kai loa lau nea kai o ke makona, ke ke tokaga ai na galo le Eteleno, leia na fakamavae ia a koe mei le fenua o Esipito, leia na ke popula ai.

Tetelonome 8:11

Ke ke tokaga ai na galo loa iate koe le Eteleno, lou Atua, o ke tiaki loa ana folafola, mo ana fakatotonu, mo ana lao, ala e kau tuku kiate koe i le aso nei.

Tetelonome 8:14

ke ke tokaga ai na makita loa lou loto, o ke galoi loa le Eteleno, lou Atua, leia na fakamavae ia a koe mei le fenua o Esipito, mei le fale o le popula,

Tetelonome 8:19

Kapau e ke galoi loa le Eteleno, lou Atua, o ke pipiki loa ki ni iki atua kese, ti kapau e ke tausi loa ti mo ke atolasio loa kia latou, e kau fakapapau atu kia koutou i le aso nei e kotou mamate loa.