Sopo 7:9 - Tosi Tapu

⁹ Ofaipe se ao leia e mavetevete o puli, E leaise toe pale ake loa leia e ifo ki le nofoaga o le kau mate ;

Sopo 7:9 ပူးပေါင်းရင်းမြစ်များ

Lua tosi a Samuele 12:23

I le temi leinei kua mate ai, kolea loa le uiga o laku toe sesunio ? Pe feala ke kau toe fakamauli mai a ia ? E kau ano loa kiate ia, kae e leaise toe au loa a ia kiate au.

Lua tosi a Samuele 14:14

E maoki e tonu ke tou mamate fuli, ti e tou tatau loa mo le vai leia e maligi ki le kele, leia e leaise mafai ke toe fakatasii ; e leaise too e le Atua le mauli, ti e leaise loto a ia ke mamao mei lona agai le tagata leia na sola.

Sopo 10:21

I mua o laku ano, ti e leaise toe liliu mai, Ki le fenua o le fakapouli mo le malu o le mate,

Sopo 11:8

E taualuga ake a ia i le lagi ; kolea loa le nea e ke fai ? E loloto ake a ia i le nofoaga o le kau mate ; kolea loa le nea e ke iloa ?

Sopo 16:22

Talie kua kaku oku fetuu ki le fakaoki, Ti e kau ano loa i se ala leia e leaise kau toe liliu loa mei ai.

Sopo 17:13

Ko le nea leia e kau talitali ki ai, ko soku nofoaga i le nofoaga o le kau mate, E kau folasi loa loku moeaga i le fakapouli.

Sopo 17:16

E ifo loa a ia mo au ki matapa o le nofoaga o le kau mate, Mo ka ma ano fakatasi loa o malolo i le kele.

Sopo 3:13

Kua kau moe loa i le aso nei, kua kau fimalie loa, Io, kua kau moe loa, kua kau malolo loa i loku tanuma,

Sopo 30:15

Kua takatakai au e ni nea fakaii ; Kua ave loku kololia ofaipe le matagi ; Kua puli loku fiafia ofaipe se ao.

Sopo 37:11

E fakaapele e ia a ao ki vai, Ti e veteki e ia latou ke gigila i ganea fuli.

Pesalemo 39:13

Fakalogo mai ki laku kole, Eteleno, ti ke tokaga mai lou taliga ki aku tagi ! Aua na ke aganoa ki oku loimata ! Talie ko se matapule au i lou fale, Ko se tagata noa au, ofaipe oku tamana fuli.

Esaia 26:14

Ko latou ala kua mamate e leaise toe mauli loa, E leaise toe tutuu ake loa ki aluga ni ata ; Talie na ke tautea latou, na ke tamate latou, Ti na ke maumaui a fakamanatu fuli.

Esaia 38:11

Na kau pati : E leaise kau toe tio loa ki le Eteleno, Le Eteleno, i le kele o le kakai mauuli ; E leaise kau toe tio loa ki se tagata Ia latou ala e nonofo i le malama nei !