Sopo 7:8 - Tosi Tapu

⁸ Ko le mata leia e tio mai kiate au e leaise toe tio loa kiate au ; E afa loa au e lou mata, kae kua kau puli loa.

Sopo 7:8 ပူးပေါင်းရင်းမြစ်များ

Lua tosi a Samuele 12:23

I le temi leinei kua mate ai, kolea loa le uiga o laku toe sesunio ? Pe feala ke kau toe fakamauli mai a ia ? E kau ano loa kiate ia, kae e leaise toe au loa a ia kiate au.

Sopo 13:27

Kolea kua ke nonoa ai oku vae ki le tafito vite, Ti kua ke leoleo ai aku taugaoi fuli, o kaku ki le tosi o fakamailoga o oku lakaaga !

Sopo 14:10

Kae ka mate le tagata, e leaise toe malaga ake a ia ki aluga. Io, ka mate le tagata, kofea a ia ?

Sopo 14:3

Ti ko ia leia e leoleo e lou mata ! Ti e ke toso au ki le fakamaauaga !

Sopo 20:8

E lele loa a ia ofaipe se moe miti, ti e leaise toe maua loa a ia ; E puli noa loa a ia ofaipe se tio i le pouli ;

Sopo 20:9

Ko le fa mata leia na tio kiate ia e leaise toe tio loa kiate ia, Ti ko le ganea leia na nofo ai a ia e leaise toe tio loa kiate ia.

Sopo 27:19

E moe a ia i koloa, kae e mate loa a ia i le telefua ; E fakamavaa ake e ia ona mata, o tio kua puli nea fuli.

Sopo 3:13

Kua kau moe loa i le aso nei, kua kau fimalie loa, Io, kua kau moe loa, kua kau malolo loa i loku tanuma,

Sopo 7:21

Kolea e leaise ke fakamolemole ai laku agasala, Ti e leaise ke fakamolemole ai laku agaveli ? Talie ka kau moe loa ki le kele ; E ke afa loa au, kae e kau puli loa.

Sopo 8:18

Kae kapau e taaki loa a ia mei le ganea leia na tuu ai, Ti e pati loa le ganea lena : Na leaise kau iloa a koe !

Pesalemo 103:16

Ka agi se matagi kiate ia, e puli a ia, Ti e leaise toe iloa a ia e le ganea leia na tuu ai.

Pesalemo 37:36

Na fakalaka a ia, ti ko leinei, kua puli a ia ; Na kau afa a ia, kae e leaise kau maua a ia.

Pesalemo 39:11

Fulusi kese au fa ta iate au ! E siga i ta o lou lima.