Sopo 7:6 - Tosi Tapu

⁶ Kua gasolo ake oku aso i le taula a le tagata lalaga kie, Ti kua lotou kaku ki le gatoaga, e leaise koi maua se amanaki malie !

Sopo 7:6 ပူးပေါင်းရင်းမြစ်များ

Sopo 13:15

Ko leinei, e tatau aifai pe tamate au e le Atua, e leaise gato loa laku amanaki malie kiate ia ; Kae i ona mua e kau puipui loa loku anoaga.

Sopo 14:19

E gugu le fatu e le vai, Ti e ave le kele e le tafe ; E fenaaki lau maumaui le amanaki malie a le tagata.

Sopo 16:22

Talie kua kaku oku fetuu ki le fakaoki, Ti e kau ano loa i se ala leia e leaise kau toe liliu loa mei ai.

Sopo 17:1

Kua faigataa laku tukumanava, Ti kua oki oku aso ; Kua talitali mai le tanuma kiate au.

Sopo 17:11

Kolea ! Kua oki oku aso, kua motusi aku fakatuutuu, A fakatuutuu ala na fakaapele ia loku loto…

Sopo 17:15

Ko laku amanaki malie, kofea koia a ia ? Ko loku amanaki malie, ko ai e feala ke tio ki ai ?

Sopo 17:16

E ifo loa a ia mo au ki matapa o le nofoaga o le kau mate, Mo ka ma ano fakatasi loa o malolo i le kele.

Sopo 19:10

Na fatifatii e ia au i potu fuli, ti na kau siga ki lalo ; Na taaki e ia loku amanaki malie ofaipe se laakau.

Sopo 6:11

Kolea le uiga o laku amanaki malie, kae kua oki katoa loku makeke ? Kolea le uiga o laku talitali, kae kua gato loku mauli ?

Sopo 9:25

Kua gasolo ake oku aso i se tagata ave tosi, Kua lotou sosola, kae e leaise lotou tio ki se fiafia ;

Pesalemo 102:11

O tupu ko lou ita mo lou sausau lasi ; Talie na ke siki au, o ti ki mamao.

Pesalemo 144:4

E tatau le tagata mo se tukumanava, Ti e tatau ona aso mo le malu leia e mole.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Selemia 2:25

Aua na ke makape kilii vae, Iselaele ! Tokaga na malo noa lou fatakia ! Kae e ke pati : Leai, tuku noa au ! Talie e kau alofa ki atua matapule, E kau fia ano kia latou.

Efeso 2:12

kotou manatui i le temi lena, na kotou sala Kilisito, mo sala kolo i Iselaele, mo matapule ki sai o le fakapapau, mo sala amanaki malie, ti mo sala Atua i le malama nei.

Sakopo 1:11

E fanake le laa mo lona vevela lasi, o fakagini le vao, ti na vilo lona se, ti na puli ai lona fulumalie. E tatau foki mo le tagata mou koloa, e puli loa a ia i loto malie o ana gaoi fuli.

Sakopo 4:14

Kotou ala e leaise iloa ia fua le nea ka soko i apogipogi ! Talie kolea lokoutou mauli ? Ko se afu koutou leia e sa i se ga temi noa, ti puli.

Uluaki tosi a Petelo 1:13

Koia ke kotou nonoa ai a ifiifi o lokoutou loto, kotou fakapotopoto, kotou maua se amanaki malie katoa ki le kalasia leia e tuku atu loa kia koutou i le aso leia e sa ai loa Sesu-Kilisito.

Uluaki tosi a Petelo 1:24

Talie E fai kanofi fuli pe le mutie, Ti ko lona kololia katoa pe le se o le mutie. Egae le mutie, ti e vilo le se ;