Sopo 7:2 - Tosi Tapu

² Ofaipe le fakaamu a le tagata popula ki le malumalu, Ofaipe le talitali a le tagata gaoi ki lona totogi,

Sopo 7:2 ပူးပေါင်းရင်းမြစ်များ

Senesi 34:8

Kae na masau loa Amole kia latou, o pati : Kua pipiki le loto o loku vosa ko Siseme ki lokoutou taine ; koia e kau kole atu ai kia koutou ke kotou soli mai a ia ke avaga mo loku vosa.

Sopo 7:1

E fai le mauli o le tagata i le malama nei pe leia o se tagata solia, Ti e tatau ona aso mo la o se tagata solia gaoi totogi.

Sopo 7:3

Ko lena foki loku mauli : ko ni masina i le tuania, Ko lena loku vaega : ko ni pouli i le mamae.

Pesalemo 119:131

E kau fakamavaa loku gutu ti e kau tukumanava Talie e kau fia kai ki au folafola.

Pesalemo 143:6

E kau falo oku lima kiate koe ; E oli lasi loku laumalie kiate koe, Ofaipe se kele malo. - Manava.

Selemia 6:4

Kotou teuteu ke osoi a ia ! Tou ano, tou pale i le lalatea totonu !… Malaia kia tatou, talie kua toetoe le aso, Kua fakaloloa a malu le afiafi.

Levitiko 19:13

Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Sonasi 4:6

Ti na fakasomo ake loa e le Eteleno Atua se lisega, leia na malaga loa i aluga o Sonasi, o fakamalumalu lona ulu mo too ia lona itaita. Ti na fiafia lasi loa Sonasi o tupu ko le lisega lena.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Tetelonome 24:15

Kae e ke soli loa kiate ia le totogi o lona aso gaoi i mua o le vilo o le laa ; talie e mativa a ia ti e aoga ai lona totogi kiate ia. Kapau e leaise ke fai loa le nea lena, e tagi loa a ia ki le Eteleno, ti e ke maua loa i ai se agasala.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.