Sopo 7:16 - Tosi Tapu

¹⁶ E kau fakalialia kia latou !… E leaise kau mauli loa o lee gato !… Tuku noa au, talie ko loku mauli ko se ga matagi noa.

Sopo 7:16 ပူးပေါင်းရင်းမြစ်များ

Senesi 27:46

Na pati loa Lepeka kia Isaake : Kua kau fakalialia ki le mauli o tupu ko oku fugao, a taineliki o Eti. Kapau e toe avaga loa Sakopo mo se taine o Eti, ofaipe laua anei, kolea loa le uiga o le mauli kiate au ?

Uluaki tosi o Sau 19:4

Kae ko ia, na ano loa a ia ki le toafa. I le oki o lana saele i le aso katoa, na tonatona loa a ia i lalo o se ga laakau ko le senete, ti na kole loa e ia le mate, o pati : Kua feauga ! Ei Eteleno, too atu nei loku mauli, talie e leaise kau malie ake i oku tamana.

Sopo 10:1

Kua fakalialia loku laumalie ki le mauli ! E leaise kau toe tataofi loa aku lauga, E kau masau loa i le mamae o loku loto.

Sopo 10:20

Pe leaise koi toe fua ni ga aso teiki kiate au ? Ke tuku noa e ia au ! Ke fakamamao a ia iate au, kae feala ke fakatau laku manava,

Sopo 14:6

Ke ke fakamaliu ou mata meiate ia, ti ke ke tuku se malolo kiate ia, O tupu ke maua fua e ia le fiafia o le tagata gaoi totogi i le oki o lona aso gaoi.

Sopo 6:9

Io, ke malie ki le Atua lana tamate au, Ke falo lona lima o fakapuli au !

Sopo 7:15

Oiau, e kau loto ke kukumi loku ua ! E malie ake kiate au le mate i ivi anei.

Sopo 7:7

Ei Atua, manatui ko loku mauli ko se ga matagi noa ! E leaise toe tio loa oku mata ki le fiafia.

Sopo 9:21

E kau saosaoa ! Io, e kau saosaoa, kae e leaise kau pipiki ki le mauli, E kau vesia ki loku mauli.

Pesalemo 144:4

E tatau le tagata mo se tukumanava, Ti e tatau ona aso mo le malu leia e mole.

Pesalemo 39:10

E kau fakaleemu, e leaise fakamavaa loku gutu, Talie ko koe leia e gaoi.

Pesalemo 39:13

Fakalogo mai ki laku kole, Eteleno, ti ke tokaga mai lou taliga ki aku tagi ! Aua na ke aganoa ki oku loimata ! Talie ko se matapule au i lou fale, Ko se tagata noa au, ofaipe oku tamana fuli.

Pesalemo 39:6

Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.

Pesalemo 62:9

Atu kakai, ke kotou fanaki tuumau kiate ia, Ke kotou liligi okoutou loto i ona mua ! Ko le Atua ko lotatou mumuniaga. - Manava.

Pesalemo 78:33

Na fakaoki loa e ia olatou aso i le nea vaiga, Ti mo olatou fetuu i le mamae.

Pesalemo 78:39

Talie na manatui loa e ia ko latou ko ni tagata fai, Ko se tukumanava leia e ano ti e leaise toe au.

Ekelesiasi 2:17

Ti na kau fakalialia loa ki le mauli, talie na kau tio e fakalialia a nea fuli ala e fai e le tagata i malama nei, o tupu e vaiga nea fuli mo tuli o le matagi.

Selemia 8:3

E malie ake loa le mate i le mauli kia latou fuli ala e toe loa i le kakai agaveli lena, i ganea fuli ala na kau kapu loa latou ki ai, e pati le Eteleno o kau tau.

Sonasi 4:3

I le aso nei, Eteleno, ke ke too la loku mauli iate au, talie e malie ake le mate kiate au i le mauli.

Sonasi 4:8

I le sopo ake o le laa, na fakaagi loa e le Atua se matagi vevela mei le esite, ti na tutu loa e le laa le fa ulu o Sonasi, o fakapouli ai ona mata. Ti na kole loa e ia le mate, o pati : E malie ake le mate kiate au i le mauli.