Sopo 7:11 - Tosi Tapu

¹¹ Koia e leaise kau toe tapono loa loku gutu, E kau masau loa i le lasi o le mamae o loku loto, E kau tagi loa i le lasi o le kona o loku laumalie.

Sopo 7:11 ပူးပေါင်းရင်းမြစ်များ

Senesi 42:21

Na lotou fepatiaki loa ia latou : Io, kua soko le mamae leinei kia tatou o tupu ko latatou agasala leia na tou fai ki lotatou taina : Talie na tou tio ki le mamae o lona loto, i lana tagi mai kia tatou ke tou alofa ake kiate ia, kae na leaise tou tokagai a ia !

Sopo 10:1

Kua fakalialia loku laumalie ki le mauli ! E leaise kau toe tataofi loa aku lauga, E kau masau loa i le mamae o loku loto.

Sopo 10:15

Malaia kiate au mo kapau kua kau sala ! Ti kapau e kau saosaoa e leaise mafai ke lagai loku ulu ki aluga, Talie kua kau makona i le luma, ti kua kau kona i le mamae.

Sopo 13:13

Kotou fakalologo, kotou tuku noa au, e kau fia masau ! E soko mai loa kiate au le nea leia ka soko mai loa.

Sopo 16:6

Kapau e kau masau, e leaise fimalie loa oku mamae, Ti kapau e kau fakaleemu, e leaise lotou puli loa.

Sopo 21:25

Ti ko iki, e lotou mate i le oki o se mauli kinakinau, Ti na leaise lotou maua fua se fiafia i se nea fua e tasi.

Sopo 23:2

I le lakaga nei foki ko laku lauga ko se agatuu, Kae kua tapono aku tagi e le mamae.

Sopo 36:21

Ke ke tokaga ke aua na ke tuku a koe ki le veli, Talie ko ia leia na tupu ai lou mamae.

Sopo 6:26

Pe kotou fia valoki aku masau ? Pe kotou tio ki se matagi ata i masau a se tagata leia kua sala amanaki malie ?

Sopo 9:27

Kapau e kau pati : E tonu ke galoi oku mamae, Ke tiaki loku mafaia, kae kau mata katakata.

Pesalemo 39:3

Na kau nofo fakalologo, na leaise kau masau ; Na kau fakaleemu, logo loku mamae, Kae na asilisili ake loku mamae.

Pesalemo 40:9

E kau loto ke fai lou finegalo, ei loku Atua ! Ti e tuu lau lao i le takele o loku loto.

Esaia 38:15

Kolea loa saku pati ke fai ? Na tali mai a ia kiate au, ti na tali e ia laku kole. E kau saele loa i le fakataulalo o kaku ki le oki o oku fetuu, I le oki o loku mamae leinei.

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Luka 22:44

Na logoi loa e ia se mamae lasi, ti na toe asilisili faikole fakamalotoloto a ia : ti na liliu loa lona kavakavaia ofaipe ni motii toto, ala na sasali ki le kele.

Lua tosi ki le kau Kolinto 2:4

E kau fai tosi atu kia koutou i se loto mamae lasi ai, mo se loto tuania, ti mo ni loimata lasi ai, o leaise tupu ke kotou mamae ai, kae o tupu ke kotou iloa le alofa lasi leia e kau maua kia koutou.

Uluaki tosi a Samuele 1:10

Ti na mamae lasi ai lona Laumalie, o fai loa e ia lana kole ki le Eteleno ti mo tagi lasi ai.