Sopo 5:25 - Tosi Tapu

²⁵ E ke tio loa ki le api o lou sakoga, Ti e fai loa a uli o lou sakoga pe le mutie i faisaga.

Sopo 5:25 ပူးပေါင်းရင်းမြစ်များ

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 15:5

Ti na taki loa e ia Apalamo ki fafo, o pati kiate ia : Tio ki le lagi, ti ke lau a fetuu, mo kapau e ke ma lau ia latou. Ti na pati loa a ia kiate ia : E fenaaki loa lou sakoga.

Pesalemo 112:2

E makeke loa lona sakoga i le malama nei, E tapuakina loa le tautupu o tagata agatonu.

Pesalemo 72:16

E lasi loa le fulumeto i le fenua, i le tumutumu o mauga, Ti e taugaoi loa olatou taulu fulumeto ofaipe laakau o Lipane ; E se loa a tagata i kolo ofaipe le mutie o le fenua.

Esaia 48:19

E fai loa lou sakoga pe le one o le mata tai, Ti ko fua o lou manava pe fiti o le one ; E leaise toe soloi loa lou igoa, pe puli loa i oku mua !

Levitiko 26:9

E kau tokaga loa kia koutou o tapuakii koutou, mo fakafanaunau koutou, ti e kau taofi mau loa laku sai kia koutou.

Tetelonome 28:4

E tapuakina loa le fua o lou manava, mo le fua o lou kele, mo le fua o lau kau manu, ti e lasi loa lau kau pipi, mo lau kau ovi, mo lau kau koti.