Sopo 5:20 - Tosi Tapu

²⁰ E saofaki loa e ia a koe mei le mate i le temi o le oge, Ti mo lou mauli mei le makeke o le seleta i le tau.

Sopo 5:20 ပူးပေါင်းရင်းမြစ်များ

Senesi 45:7

Na kakau mai au e le Atua ke kau muamua mai ia koutou ki le fenua leinei, o tupu ke mauli ai lokoutou sakoga i le fenua, ti ke kotou mauli foki o tio ki le alofa lasi o le Atua kia koutou o saofaki koutou.

Uluaki tosi o Sau 17:6

Na aumai loa e kolopo kiate ia se pane mo se kanoi manu i le usu, ti mo se pane mo se kanoi manu i le afiafi, ti na inu loa e ia le vai o le liua.

Pesalemo 118:18

N tautea au e le Eteleno, Kae na leaise tuku e ia au ki le mate.

Pesalemo 144:10

Ko koe, leia e soli ia le fakamauli ki sau, Leia na fakamauli ia loa i le seleta tukipo Tavite, lau tagata fakasausau,

Pesalemo 27:3

Kapau e tanaki se kau tau kiate au, E leaise i fua loku loto. Kapau e lagai mai se tau kiate au, E kau apele loa i le fanaki i le nea lena.

Pesalemo 33:19

O tupu ke taaki olatou laumalie i le mate, Ti e fakamauli ia latou i loto malie o le oge.

Pesalemo 37:19

E leaise lotou luma i le aso o le malaia, Ti e lotou makokona i aso o le oge.

Pesalemo 49:7

E lotou fanaki ki lolatou makeke, Ti e lotou nekenekea i le lasi o olatou koloa.

Taagapati 10:3

E leaise tuku e le Eteleno ke mamae le tagata agatonu i le fia kai, Kae e leaise soli e ia ki le kau agaveli le nea leia e lotou manumanu ki ai.

Esaia 33:16

Ko ia lena e nofo loa i ni ganea taualuga ; Ko lona maloloaga loa ko ni utu makeke ; E soli loa kiate ia se pane, Ti e sali tuumau loa kiate ia se vai.

Selemia 37:21

Ti na fakatotonu loa e le sau ko Setesiasi ke ave Selemia ki le malae o le fale pilisoni, ti ke soli kiate ia i aso taki tasi se fa pane e tasi mei le ala o le kau tao pane, o kaku ki le oki o le pane i le kolo. Ti na nofo loa Selemia i le malae o le fale pilisoni.

Selemia 39:18

E kau saofaki loa a koe, ti e leaise ke mate loa i le seleta ; ko lou totogi ko lou mauli, talie na ke fanaki kiate au, e pati le Eteleno.

Oseo 13:14

E kau totogi loa latou mei le makeke o le nofoaga o le kau mate, E kau saofaki loa latou mei le mate. Ei mate, kofea au masafu ? Nofoaga o le kau mate, kofea lau pule ki le mate ? Kae kua sola le fakasemala i oku mata !

Apakuki 3:17

Talie e leaise se loa le fiki, E leaise tuku loa e le vite se nea, E puli loa le fua o le oliveto, E leaise tuku loa e faisaga se nea kai ; E pupuli loa a ovi i fagaiaga mutie, Ti e leaise toe maua loa ni pipi i fale manu.

Mateo 24:6

E kotou logo loa ki le masaui o ni tau ka soko mai ti mo le fakamatala o ni tau na soko i mua : Aua na kotou i, talie e tonu ke soko a nea ana. Kae e leaise ko le aso fakamuli loa a ia.