Sopo 42:12 - Tosi Tapu

¹² I le lolotoga o fetuu fakaoki ana, na maua loa e Sopo mei le Eteleno ni tapuakina o lasi ake i tapuakina ala na maua e ia i mua. Na maua loa e ia se kau ovi fafine e kau agafulu tupu fa afe, mo se kau kamelo e afe ono, mo ni soa pipi tagata e afe, ti mo se kau asino fafine e afe.

Sopo 42:12 ပူးပေါင်းရင်းမြစ်များ

Senesi 24:35

Kua tapuaki lasi ai le Eteleno ki loku aliki, ti kua liliu a ia o makeke. Na soli e le Eteleno kiate ia ni kau ovi mo ni kau pipi, mo se siliva ti mo se aulo, mo ni kau tagata fakasausau ti mo ni kau fafine fakasausau, mo ni kau kamelo ti mo ni kau asino.

Senesi 32:14

Ko koti fafine e kau lelau lua, mo koti tagata e kau lua, mo ovi fafine e kau lelau lua, mo ovi tagata e kau lua,

Sopo 1:10

Pe leaise tupu ko lau puipui a ia, mo lona famili, ti mo ana nea fuli ? Kua ke fakamanuia le gaoi o ona lima, ti kua uufi e ana kau manu le fenua.

Sopo 1:2

Na tupu loa kiate ia ni vosa e toka fitu mo ni taineliki e toka tolu.

Sopo 1:3

Na maua e ia ni ovi fafine e fitu afe, mo ni kamelo e afe, mo ni soa pipi tagata e kau lelau lima, mo ni asino fafine e kau lelau lima, ti mo ni tagata fakasausau toka api. Ti na mauiga toka tasi le tagata lena i tagata fuli o le potu Esite.

Sopo 8:7

E fai loa lou mauli uluaki pe se nea noa i lou mauli foou. E lasi ake loa lou manuia foou i lou manuia afea.

Pesalemo 107:38

E tapuaki a ia kia latou, ti e lotou liliu o toka api ai, Ti e leaise toe tamate loa e ia alatou kau manu.

Taagapati 10:22

Ko le tapuakina a le Eteleno leia e fakamoukoloa, Ti e leaise mulimuli i ai se mamae.

Ekelesiasi 7:8

E malie ake le ikuaga o se nea i lona kamataaga ; e malie ake se loto kataki i se loto fia nealasi.

Esekiele 36:11

E kau liuliuga loa kia koutou a tagata mo manu ; E lotou liuliuga loa mo fanaunau loa ; E kau loto ke kotou nofo i le fenua ofaipe le temi mua, Ti e kau tapuaki loa kia koutou o lasi ake i le temi mua ; Ti e kotou iloa loa ko au ko le Eteleno.

Tetelonome 8:16

leia na fagai ia a koe i le toafa ki le mane leia na leaise iloa e ou tamana, o tupu ke fakamamae ai a koe mo asiasii ai a koe, talie ke fai kiate koe se nea leia e malie loa ki muli.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Sakopo 5:11

Ko leinei, e motou fakasa kua manuia latou ala na kataki fualoa i le mamae. Kua kotou logo ki le kataki fualoa o Sopo, ti kua kotou tio ki le fakaoki leia na tuku e le Aliki kiate ia, talie e apele le Aliki i le manavaalofa ti mo le aloalofa.