Sopo 40:12 - Tosi Tapu

¹² E peluki e ia lona siku o makeke ofaipe le sete ; E feuluaki a ua o ona alaga.

Sopo 40:12 ပူးပေါင်းရင်းမြစ်များ

Sopo 36:20

Aua na ke fakaamu ki le pouli Leia e too ia le kakai mei lolatou nofoaga.

Pesalemo 60:12

Pe leaise ko koe, ei Atua, leia na tiaki ia matou, Leia na leaise koi ano, ei Atua, mo amatou kau tau ?

Pesalemo 94:2

Ke ke tuu ki aluga, a koe ko le tui fakamaau o le malama nei ! Ke ke liufaki ki le kau fia nealasi o mulimuli ki alatou gaoi !

Taagapati 15:25

E soloi e le Eteleno le fale o le kau fia nealasi, Kae e fakamakeke e ia a koiga o le fafine lokonui.

Ekelesiasi 11:3

Ka apele a ao i le ua, e lotou liligi le ua ki le kele ; ti kapau e siga se laakau, ki le potu saute pe ki le potu noleto, e nofo a ia i le ganea leia na siga ai.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 22:19

E kau kapu loa a koe i lou tuulaga, E taaki loa a koe e le Eteleno i lou nofoaga.

Esaia 23:9

Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Esaia 63:3

Na kau takatakafi toka tasi i le tataoaga vino, Ti na leaise se tagata mei atu kakai na kau mo au ; Na kau takatakafi latou i loku ita, Na kau takatakafi latou o lalai i loku sausau ; Na topisi lolatou toto ki oku kofu, Ti na kelekele ai oku kofu fuli.

Selemia 48:29

E motou iloa le fia nealasi o Moape fulumalie, Mo lona fia taualuga, mo lona nekenekea, mo lona matasoka, mo lona fia aliki.

Taniela 4:24

Ko leinei lona uiga, ei sau, ko leinei le fakatuutuu a le Atua Taualuga, leia e fakasoko loa ki loku aliki, le sau.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.

Malakia 4:3

Ti e kotou takatakafi loa le kau agaveli, Talie e lotou fai loa pe se mugalafu I lalo o okoutou taga vae, I le aso leia e kau teuteui, E pati le Eteleno o kau tau.

Gaoi 1:25

ke kau ki le gaoi fakaapositolo leia na tiaki e Sutasi kae ano a ia ki lona nofoaga totonu.

Loma 16:20

Kua vave loa le takatakafi e le Atua o le tokamalie a Satana i lalo o okoutou vae. Ke nofo mo koutou le kalasia o lotatou Aliki ko Sesu-Kilisito !

Uluaki tosi a Samuele 2:7

E fakamativa ti e fakamoukoloa e le Eteleno, E tuku e ia ki lalo ti e siki e ia ki aluga.