Sopo 36:3 - Tosi Tapu

³ E kau aumai aku fakakaukau mei mamao, Ti e kau fakamaoki loa ki le faitotonu o loku tupuaga.

Sopo 36:3 ပူးပေါင်းရင်းမြစ်များ

Sopo 32:2

Ti na malaga loa le ita o Eliu, vosa o Palakeele mei Pusi, mei le famili o Lame. Na malaga loa lona ita kia Sopo, o tupu na pati a ia e faitotonu a ia i mua o le Atua.

Sopo 32:8

Kae kua kau iloa maoki nei, i le tagata, ko le laumalie fakaatua, Ko le matagi o le gutu o le Mafimafi leia e soli ia le atamai.

Sopo 34:5

Na pati a Sopo : E kau saosaoa, Kae e fakafiti e le Atua le faitotonu kiate au.

Sopo 36:2

Talitali fakaikiiki, ke kau ako a koe : Talie e kau maua ni masau ke fakamaoki ki le Atua.

Sopo 37:23

E leaise feala ke tou kaku ki le Mafimafi, E lasi a ia i le makeke, I le faitotonu, mo le pule. E leaise tali mai a ia !

Sopo 4:17

Pe agatonu loa le tagata i mua o le Atua ? Pe mea loa a ia i mua o leia na fakatupu ia a ia ?

Sopo 8:3

Pe fulusi loa e le Atua le lao ? Pe fulusi loa e le Mafimafi le faitotonu ?

Pesalemo 11:7

Talie e faitotonu le Eteleno, e alofa a ia ki le faitotonu. E tio a tagata maokioki ki ona mata.

Pesalemo 145:17

E faitotonu le Eteleno i ona ala fuli, Ti e manava alofa a ia i ana gaoi fuli.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Taniela 9:14

Koia kua taupau ai e le Eteleno le malaia lena, o kakau mai kia matou ; talie e faitotonu le Eteleno, lomatou Atua, i nea fuli ala na fai e ia, kae na leaise motou fakalogo ki lona leo.

Taniela 9:7

A au, Aliki, le faitotonu, kae a matou le luma i le aso nei, a tagata o Suta, mo le kakai o Selusalemi, ti mo Iselaele katoa, latou ala e nofo feofi mo latou ala e nofo mamao, i fenua fuli ala kua ke kapu latou ki ai, o tupu ko agatuu fuli ala na lotou agasala ai kiate koe.

Mateo 12:42

E tuu ake loa ki aluga le fafine sau o le potu toga, i le aso o le fakamaau, mo le tautupu leinei, o fakatua loa a ia, talie na au a ia mei potupotu o le malama nei o fakalogo ki le poto o Salomone, ti ko leinei, e i ai se tasi i leinei e lasi ake ia Salomone.

Loma 9:14

Kolea loa ka tou pati ? Pe leaise faitotonu le Atua ? E leai ai !

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !