Sopo 32:8 - Tosi Tapu

⁸ Kae kua kau iloa maoki nei, i le tagata, ko le laumalie fakaatua, Ko le matagi o le gutu o le Mafimafi leia e soli ia le atamai.

Sopo 32:8 ပူးပေါင်းရင်းမြစ်များ

Senesi 41:38

Ti na pati loa Falaone kia ana minisi : E nofo le tagata leinei mo le Laumalie o le Atua. Pe tou toe maua loa se tasi ake tagata ofaipe ia leinei ?

Senesi 41:39

Ti na pati loa Falaone kia Sosefo : Ko leinei kua fakasa e le Atua kiate koe a nea fuli anei, e leaise toe maua se tasi ake tagata leia e toe atamai ake mo toe poto ake iate koe.

Uluaki tosi o Sau 3:12

ko leinei, e kau fai loa o mulimuli ki lau kole. E kau soli loa kiate koe se loto poto mo atamai ; koia e leaise maua loa se tasi e tatau mo koe talu mei mua, ti e leaise toe tupu ake loa se tasi ke tatau mo koe ki muli.

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Uluaki tosi o Sau 4:29

Na soli loa e le Atua kia Salomone le poto lasi ai, mo se loto fakakaukau lasi ai, ti mo se loto iloa, kua liuliuga o tatau mo le one leia i le mata tai.

Uluaki tosi o Sau 5:9

E ifoaki loa latou e aku tagata fakasausau mei Lipane ki le tai, ti e kau fetuku atu loa latou i le tai i ni palepale o kaku ki le ganea leia e ke fakasa mai loa kiate au ; i lena, e kau kakau loa ke veteki palepale, ti e ke too loa latou. Ko le nea leia e kau loto ke ke fai kiate au, ke ke soli ni nea kai ki loku fale.

Sopo 12:13

Kae e nofo i le Atua le maoki, mo le poto, mo le mafimafi ; E maua e ia le fakakaukau mo le atamai.

Sopo 12:16

E maua e ia le makeke mo le fakapotopoto ; E pule a ia ki leia e sese pe fakasese ia ni iki.

Sopo 27:3

I le temi katoa koi kau tukumanava ai, Ti koi maua ai le matagi a le Atua i loku isu,

Sopo 33:16

E tuku loa e ia se levelasio kia latou Ti e fai loa e ia valoki fakaoki,

Sopo 33:4

Na fakatupu au e le Laumalie o le Atua, Ti na soli e le tukumanava o le gutu o le Eteleno le mauli kiate au.

Sopo 35:11

Leia e ako ia tatou o lasi ake i manu o le kele, Ti e soli ia kia tatou le atamai o lasi ake i manu lele o le lagi ?

Sopo 38:36

Ko ai leia na tuku ia le poto ki le loto, Ko ai leia na soli ia le atamai ki le ipisi ke iloa e ia ka puke le Nile ; Ti mo le atamai ki le moatoa ke iloa e ia ka to le ua ?

Taagapati 2:6

Talie e soli e le Eteleno le poto ; E au mei lona gutu le iloa mo le atamai ;

Taagapati 20:27

Ko le tukumanava o le tagata ko se malama o le Eteleno ; E ulu a ia o kaku ki takele o tootooga.

Ekelesiasi 2:26

Talie e soli e le Atua ki le tagata leia e malie ki ona mata le poto, mo le atamai, mo le fiafia ; kae e tuku e ia ki le tagata agasala ke tokaga o tanaki mo fakatuuga, o tupu ke soli ki leia e malie ki mata o le Atua. Ko se tasi foki a ia vaiga mo tuli o le matagi.

Esaia 28:26

Talie na ako e lona Atua kiate ia le saele leia e tonu ke mulimuli ai, Ti na tuku e ia kiate ia ana akonaki.

Taniela 1:17

Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Uluaki tosi ki le kau Kolinto 12:8

Talie kua soli e le Laumalie ki le tasi se masau o le poto ; ki se tasi ake se masau o le iloa i le Laumalie fuai e tasi ;

Lua tosi kia Timoteo 3:16

E au le Tosi tapu katoa mei le tukumanava a le Atua, ti e aoga a ia ki le akonaki, mo le valoki, mo le fakatonutonu, mo le fakapotoi ki le maokioki,

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.