Sopo 3:5 - Tosi Tapu

⁵ Ke osoi a ia e le fakapouli matotolu mo le malu o le mate, Ke fakatuu e ao matotolu lolatou nofoaga i ona aluga, Ti ke tapono e le fakapouli matotolu le laa kiate ia !

Sopo 3:5 ပူးပေါင်းရင်းမြစ်များ

Sopo 16:16

Kua fakalialia oku mata i le lasi o laku tagi, Ti kua teki le malu o le mate i oku laumata.

Sopo 24:17

Kia latou, ko le usu ko le malu a ia o le mate, E lotou i mate ki ai.

Sopo 28:3

I loto o le kele, e fakagato e le tagata le fakapouli i lana ave ki ai le malama ; Ti e afa e ia o kaku ki ganea loloto oki, A fatu ala e fufu i le fakapouli mo le malu o le mate.

Sopo 3:4

Ko le aso lena ! Ke fakapouli le aso lena, ke aua na tokaga ki ai le Atua i le lagi, Ti ke aua na toe mu ki ai le malama !

Sopo 3:6

Ti ko le po lena ! Ke folo a ia e le fakapouli matotolu, Ke puli a ia mei le fetuu, Ti ke aua na toe lau a ia i aso o le masina !

Sopo 34:22

E leaise mafai ke fufu e le fakapouli pe ko le malu o le mate Latou ala e fai ia le agaveli.

Sopo 38:17

Pe na fakamavaa atu kiate koe a matapa o le mate ? Pe kua ke tio ki matapa o le malu o le mate ?

Pesalemo 107:10

Ko latou ala na nonofo i le fakapouli mo le malu o le mate, Na mauli popula i le mamae mo tini,

Pesalemo 107:14

Na fakamavae loa e ia latou i le fakapouli mo le malu o le mate, Ti na motusi loa e ia olatou sai.

Pesalemo 23:4

Ka kau saele i le vaivailiua o le malu o le mate, E leaise kau i fua ki se nea veli, talie e ke nofo mo au : Ko lou tokotoko mo lou malomu e fakafimalie ia au.

Pesalemo 44:19

Na leaise maliu kese omatou loto, Na leaise fakamamao o matou vae i lou ala,

Esaia 9:2

Kua ke fakaliliu le kakai o toka api, Kua ke tuku kiate ia se fiafia lasi ; Kua fiafia a ia i ou mua, ofaipe le fiafia i le tuuti o le fulumeto, Ofaipe le kalaga fakafiafia i le vae o koloa o le tau.

Selemia 13:16

Kotou tuku le kololia ki le Eteleno, lokoutou Atua, I mua o lana kakau mai kia koutou le fakapouli, I mua o le tukia o okoutou vae ki atu mauga o le pouli ; E kotou talitali loa ki le malama, Kae e fetogi loa e ia a ia ki le malu o le mate, E fakaliliu loa e ia a ia ko se fakapouli matotolu.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Esekiele 30:3

Talie kua ofi mai le aso, kua ofi mai le aso o le Eteleno, Aso fakapouli : Ko le aso loa lena o atu puleaga.

Esekiele 34:12

E kau tokaga loa o tanaki laku kau ovi ofaipe le fai a se tagata tausi manu mo ka tio a ia kua mavete katoa lana kau manu. E kau ano loa o afa mai aku ovi i ganea fuli ala na fakamavete latou ki ai, i le aso veli mo fakapouli.

Soele 2:2

Aso o fakapouli mo le pouli loloto, Aso o ao mo kokofu, E au a ia ofaipe le mafola o le pouli i aluga o mauga. Ko leinei se kakai toka api mo makeke, Leia e leai sona tatau, Ti e leaise toe maua sona tatau i temi ki muli.

Amosi 5:8

Ko ia leia na fakatupu ia a fetuu o le Peleiate mo le Olione, Ko ia leia e fetogi ia le fakapouli o mafoata, Ko ia leia e fakaliliu ia le ao o pouli, Ko ia leia e kalagai ia a vai o le tai, Ti e fakamafola ia a ia i aluga o le kele : Ko le Eteleno ko lona igoa.

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Mateo 4:16

Ko le kakai lena, na tonatona i le fakapouli, Kua tio ki se malama lasi ; Ti kua sopo le malama Kia latou ala na nonofo i le fenua ti mo le malu o le mate.

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.

Tetelonome 4:11

Na kotou fakafeofi ake loa ti na kotou tutuu loa i lalo o le mauga. Na ulaula katoa le mauga o kaku ki le lagi, ti na kofu a ia e se kokofu, mo se ao, mo se fakapouli matotolu.

Epelo 12:18

Ko koutou, na leaise kotou fakafeofi ki se mauga leia na feala ke fafa ki ai ti na ulaula i le afi, pe ki le ao, pe ki le fakapouli, pe ki le afa,