Sopo 3:17 - Tosi Tapu

¹⁷ I lena, e leaise toe fai loa ni mamae e le kau agaveli, Ti e malolo loa latou ala kua gagae ti kua sala makeke ;

Sopo 3:17 ပူးပေါင်းရင်းမြစ်များ

Sopo 14:13

Oi, ka na ke loto fua ke fufu au i le nofoaga o le kau mate, Ke kau mumuni ai o kaku ki le oki o lou sausau, Ti ka na ke fakatotonu fua se temi leia e ke toe manatu ai loa kiate au !

Sopo 17:16

E ifo loa a ia mo au ki matapa o le nofoaga o le kau mate, Mo ka ma ano fakatasi loa o malolo i le kele.

Sopo 3:16

Ti kapau na leaise kau tupu fua, kae ke kau fai loa pe se toe na vilo, Pe latou ala na leaise tio ki le malama.

Sopo 3:18

I lena e fimalie fuli loa le kau pilisoni, E leaise lotou logo loa ki le leo o le tagata fakaveliveli.

Ekelesiasi 4:2

Ti na kau maua e malie ake le kau mate leia kua mate i le kau mauli ala koi mauuli,

Ekelesiasi 9:6

Ti ko lolatou alofa, mo lolatou vesia, mo lolatou fuaa, kua oki a ia ; ti e leaise lotou toe kau loa ki se nea fua e tasi i nea fuli ala e fai i le lalo laa.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Luka 12:4

E kau pati atu kia koutou, kia koutou ala ko oku kaukau nea : Aua na kotou i kia latou ala e tamate ia le tino, ti oki, ti e leaise lotou mafai se tasi ake a nea.

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Epelo 4:9

Koia e i ai se malolo o le Sapato leia kua taofi ki le kakai o le Atua.

Lua tosi a Petelo 2:8

(talie ko le tagata agatonu lena, leia na nofo i loto malie o latou, na fakamamae ia lona laumalie agatonu i le aso katoa, o tupu ko alatou aga fakalialia ala na tio a ia ki ai ti mo logo a ia ki ai).

Apokalipisi 14:13

Ti na kau logo loa ki se leo mei le lagi leia na pati mai kiate au : Tosi : Manuia i le temi nei, le kau mate ala e mate i le Aliki ! Io, e pati le Laumalie, o tupu ke lotou malolo i alatou gaoi pakia, talie e muli alatou gaoi ia latou.

Uluaki tosi a Samuele 28:19

Ti ko leinei foki, e tuku loa e le Eteleno a Iselaele mo koe ki lima o le kau Filisitini. I apogipogi, ko koe mo ou vosa, e kotou nonofo loa mo au, ti e tuku loa e le Eteleno a Iselaele ki lima o le kau Filisitini.