Sopo 3:14 - Tosi Tapu

¹⁴ O fakatasi mo sau mo le kau lalasi o le malama nei, Ala na fakatuu ia kia latou ni tanuma lalasi,

Sopo 3:14 ပူးပေါင်းရင်းမြစ်များ

Uluaki tosi o Sau 11:43

Ti na moe loa Salomone mo ona tamana, ti na tanu loa a ia i le kolo o Tavite, lona tamana. Na sau loa Lopoamo, lona vosa, o fetogi a ia.

Uluaki tosi o Sau 2:10

Na moe loa Tavite mo ona tamana, ti na tanu loa a ia i le kolo o Tavite.

Sopo 12:17

E ave popula e ia le kau fakakaukau ; E fakavalea e ia le atamai o tui fakamaau.

Sopo 12:18

E tatala e ia le kilipipi o sau ; E nonoa e ia se maea ki olatou sulugalava.

Sopo 15:28

Ti e nofo a ia i ni kolo maumau, Mo ni fale kua tiaki, Ti kua vave sosolo fua.

Sopo 30:23

Talie e kau iloa e ke taki au ki le mate, Ki le ganea leia e fakatasi ai latou fuli e mauuli.

Pesalemo 49:14

Ko lena lolatou ala, lolatou valea, Ti ko latou ala e mulimuli ia latou e fiafia i alatou masau. - Manava.

Pesalemo 89:48

Ke ke manatui le toetoe o loku mauli ! Pe na ke fakatupu a vosa fuli o le tagata ke tuku latou ki le noa !

Ekelesiasi 8:8

E leaise pule le tagata ki lona mauli, ti e leaise maua e ia se makeke ki le aso o le mate ; e leaise saoaga i le tau lena, ti e leaise feala ke saofaki e le agaveli le kau agaveli.

Esaia 14:18

Ko sau fuli o atu puleaga, io, latou fulifuli, Kua malolo i le mauiga, i olatou tanuma.

Esaia 22:16

Pe i ai sau nea i leinei, ti ko ai leia e ke maua ia i leinei, Ke ke kenu ai se tanuma i leinei ? Talie kua kenu e ia sona tanuma i le ganea taualuga, Ti kua ta e ia sona nofoaga i le utu !

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Esaia 58:12

E toe laga loa e au fanau ni kolo foou i aluga o kolo maumau, E ke toe fakatuu loa ki aluga ni fakatafito afea ; E fakaigoa loa a koe ko le tagata fakafoou o nea maumau, Leia e toe fakafoou ia a ala, leia e fakaliliu ia le fenua ke nofoi.

Esekiele 26:20

E kau ti loa a koe ki lalo mo latou ala kua ifo ki le popoko, Ki le kakai o le temi mua, E kau tuku loa a koe ki potu loloto o le kele, Ki potu lavaki lee gato, I tafa o latou ala kua ifo ki le popoko, O tupu ke aua na toe nofoi a koe ; Ti e kau taupau loa le kololia ki le fenua o le kau mauli.