Sopo 3:11 - Tosi Tapu

¹¹ Kolea na leaise kau mate ai i le manava o loku tinana ? Kolea na leaise kau mate ai i le temi leia na kau vilo ai mei lona manava ?

Sopo 3:11 ပူးပေါင်းရင်းမြစ်များ

Sopo 3:10

Talie na leaise tapono e ia le manava leia na fakatupu ia au, Ti na leaise fufu e ia le mamae ki oku mata.

Sopo 3:12

Kolea na kau maua ai ni tega ke fakatalitali ia au, Ti mo ni u ke fakau ia au ?

Pesalemo 58:8

Ke lotou puli noa ofaipe le vai leia e sali i le kele ! Ke lotou gae ofaipe le mutie leia e takatakafi !

Pesalemo 71:6

E kau fanaki kiate koe talu mei le manava o loku tinana. Ko koe leia na fakamavae ia au i le manava o loku tinana. Ko le tupuaga tuumau a koe o aku fakafetai.

Ekelesiasi 4:2

Ti na kau maua e malie ake le kau mate leia kua mate i le kau mauli ala koi mauuli,

Ekelesiasi 4:3

kae e toe fiafia ake ia latou ana leia e leikiaise tupu talie e leikiaise iloa e ia a gaoi veveli ala e soko i le lalo laa.

Ekelesiasi 6:3

Kapau e maua loa e se tagata ni vosa e kau lelau, ti e mauli loa a ia i ni fetuu mauke, kae na leaise fiafia lona laumalie i lona mauli loa lena, ti na leaise fai sona putu i lona mate, e kau pati e malie ake le toe leia kua mate i lona fanaui i le tagata lena.

Ekelesiasi 6:5

Na leaise tio a ia ti na leaise iloa e ia le laa ; e lasi ake lona fimalie i le tagata lena.

Esaia 46:3

Kotou fakalogo mai kiate au, fale o Sakopo, Ti mo koutou fuli, toetoega o le fale o Iselaele, Koutou ala na kau too o taupau talu mei lokoutou kamataaga, Ala na kau luluku talu mei lokoutou tupu !

Selemia 15:10

Malaia kiate au, ei loku tinana, i lau fakatupu ia au, Ko se tagata fakatupu visi ti mo fakatupu fefele ki le fenua katoa ! E leaise kau too maua, ti e leaise kau soli maua, Kae e lotou fakamalaia fuli mai kiate au.

Selemia 20:17

Kolea na leaise kau mate ai i le manava o loku tinana ! Kolea na leaise liliu ai a ia ko loku tanuma ! Kolea na leaise tinae ai a ia o lee gato !

Oseo 9:14

Eteleno, soli kia latou !… Kolea e ke soli loa kia latou ?… Soli kia latou se manava leia e leaise faitoe ti mo ni u malo !