Sopo 27:7 - Tosi Tapu

⁷ Ke tatau loku fili mo le tagata agaveli, Ti ke tatau leia e fakafesagai mai kiate au mo le tagata agasala !

Sopo 27:7 ပူးပေါင်းရင်းမြစ်များ

Lua tosi a Samuele 18:32

Na pati loa le sau kia Kusi : Pe malie le tupulaga ko Apesalone ? Na tali loa a Kusi : Ke lotou faipe le tupulaga lena, a fili o le sau loku aliki mo latou fuli ala e malaga kiate koe, ke agatuu kiate koe !

Sopo 27:6

E kau loto ke kukumi tukupau loku maokioki, e leaise kau toe gaegae loa ; E leaise fakalakasala au e loku loto i se nea fua e tasi o loku mauli.

Sopo 27:8

Ko le amanaki malie fea leia e toe ki le tagata agasala, Mo ka tuuti e le Atua le va o lona mauli, Mo ka too e le Atua lona laumalie ?

Sopo 31:35

Oi, ko ai e maua ia loa se tagata ke fakalogo mai kiate au ? Ko lena laku tagi fakaoki : Ke tali mai le Atua mafimafi kiate au ! Ko ai e tuku ia mai loa kiate au le tali a leia e visi mo au ?

Taniela 4:19

Ti ko Taniela, leia e igoa ko Pelesatesale, na tuu noa mua i se ga temi, talie na sevaia lana fakakaukau. Ti na toe masau loa le sau, o pati : Pelesatesale, ke aua na ke i, o tupu ko le moe miti mo lona fakamatala ! Ti na tali loa Pelesatesale : Ei loku aliki, ke vilo le moe miti mo lona uiga ki ou fili !

Uluaki tosi a Samuele 25:26

I le lakaga nei, ei loku aliki, ofaipe le maoki e mauli le Eteleno ti e mauli lou laumalie, ko le Eteleno leia kua taofi ia a koe ke aua na ke liligi noa le toto, ti ko ia leia kua taofi ia lou lima. Ke liliu ou fili, mo latou ala e loto veli ki loku aliki, ofaipe Napale !