Sopo 27:2 - Tosi Tapu

² E mauli le Atua, leia e leaise fia fakasa ia loku faitotonu ! E mauli le Mafimafi, leia kua fakaapele ia loku laumalie ki se mamae kona !

Sopo 27:2 ပူးပေါင်းရင်းမြစ်များ

Lua tosi a Samuele 2:27

Na tali loa Soape : E mauli le Atua ! Kanapau na leaise ke masau loa, e leaise taofi loa e le kakai lalatou tuli olatou fetaina i mua o le usu.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:15

Kae na pati loa Elia : E mauli le Eteleno o kau tau, leia e kau tausi ki ai ! i le aso nei e kau tuu loa i mua o Akapo.

Lua tosi o Sau 4:27

Kae i lana kaku loa ki le tagata a le Atua i le mauga, na sogi loa le fafine ki vae o le polofeta. Na fakafeofi ake loa Keasi ke tekei kese le fafine. Kae na pati loa le tagata a le Atua : Tuku a ia talie kua mamae lona loto iate ia, ti kua fufu mai a ia e le Eteleno kiate au, o leaise fakasa mai a ia kiate au.

Sopo 10:3

Pe malie kiate koe le fakaveliveli mo le tiaki o leia na ke fakatupu ia, Kae ke fakamanuia a fakatuutuu a le kau agasala ?

Sopo 16:11

Kua tuku au e le Atua ke faitalisa ki ai le kau agasala, Ti kua ti e ia au ki lima o le kau agaveli.

Sopo 19:6

Ke kotou iloa ko le Atua leia na tuku ia kiate au le malaia leinei, Ti na fui ia au ki lona kupega.

Sopo 23:16

Kua fatii e le Atua loku loto ; kua fakaapele e le Mafimafi loku loto ki nea fakaii.

Sopo 34:5

Na pati a Sopo : E kau saosaoa, Kae e fakafiti e le Atua le faitotonu kiate au.

Sopo 35:2

Sopo, pe ke manatu e ke maoki i mua o le Atua, Pe ke manatu e ke maokioki i mua o le Atua,

Sopo 40:8

O fufu fakatasi fuli latou i le kele, Ti mo tapono olatou lae i le fakapouli !

Sopo 9:17

A ia leia na takatakai ia au ofaipe se afa, Ti na fakalasi ia oku lavea kae leai sona tupuaga,

Sopo 9:18

Leia e leaise tuku ia ke fakatau laku manava, Kae e fakaapele ia loku loto ki le mamae.

Esaia 40:27

Kolea e ke pati ai Sakopo, Kolea e ke pati ai Iselaele : Kua munia loku ala i mua o le Eteleno, Kua galo loku agatonu ki loku Atua ?

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Selemia 5:2

Tatau aifai pe lotou pati : E mauli le Eteleno ! E lotou fai se fakamaoki loi.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Numelo 14:21

Kae e kau mauli ! ti e fakaapele loa e le kololia o le Eteleno le malama nei katoa !

Lute 3:13

Nofo i leinei i le pouli. I apogipogi, kapau e loto loa a ia ke fai lona maua fakakaiga kiate koe, ti ke fai vave loa e ia ; kae kapau e leaise loto loa a ia ke fai e ia kiate koe lona maua fakakaiga, ti ko au, e kau fai loa a ia, e mauli le Eteleno ! Moe i lena o kaku ki le usu.

Uluaki tosi a Samuele 14:39

Talie e mauli le Eteleno, le saofakiaga o Iselaele ! Tatau aifai mo kapau na tupu le sala lena ko Sonatane, loku vosa, e mate loa a ia. Kae na leaise tali loa se tasi i le kakai katoa kiate ia.

Uluaki tosi a Samuele 14:45

Na pati loa le kakai kia Saulo : Kolea ! Ke mate loa Sonatane, leia na fai ia le saofaki lasi leinei i Iselaele ! Ke mamao le nea lena ! E mauli le Eteleno ! E leaise vilo loa ki le kele sona fa fului ulu e tasi, talie na gaoi a ia mo le Atua i le aso nei. Ti na saofaki loa e le kakai a Sonatane, o leaise mate loa a ia.

Uluaki tosi a Samuele 20:21

Ti e kau kakau loa se ga tama, o pati kiate ia : Ano, afa a gasau. Kapau e kau pati loa kiate ia : Ko leinei, e tuku a gasau i ou mua, too latou ! Ti ke au loa, talie e leaise soko loa se nea veli kiate koe, e mauli le Eteleno !

Uluaki tosi a Samuele 25:26

I le lakaga nei, ei loku aliki, ofaipe le maoki e mauli le Eteleno ti e mauli lou laumalie, ko le Eteleno leia kua taofi ia a koe ke aua na ke liligi noa le toto, ti ko ia leia kua taofi ia lou lima. Ke liliu ou fili, mo latou ala e loto veli ki loku aliki, ofaipe Napale !

Uluaki tosi a Samuele 25:34

Kae e mauli le Eteleno, le Atua o Iselaele, leia kua taofi ia au ke fai se nea e veli kiate koe ! Kanapau na leaise ke fakatavili mai ki oku mua, e leaise tologa loa se tasi pe ko se nea a Napale i le temi nei o kaku ki le usu.