Sopo 24:5 - Tosi Tapu

⁵ Ti ko leinei, ofaipe ni asino vao o le toafa, E lotou ano i le mafoata o afa nea kai i le toafa ke fagai ai alatou fanau.

Sopo 24:5 ပူးပေါင်းရင်းမြစ်များ

Senesi 16:12

E fai loa a ia pe se asino vao ; e malaga loa lona lima ki tagata fuli, ti e siki loa le lima o tagata fuli kiate ia. E nofo loa a ia i mua o ona fetaina fuli.

Senesi 27:40

E ke mauli loa ki lau seleta, Ti e ke fakasausau loa ki lou taina. Kae i se aso e ke lauatea loa meiate ia, Ti e ke fatii loa le laakau o le popula leia e teki loa e ia ki lou ua, Ti e ke tiaki loa a ia ki mamao.

Sopo 12:6

E manuia le kau kaia i olatou falela, Ti e fimalie latou ala e fakatupu ia le sausau o le Atua, Mo latou fuli ala e atua ki lolatou makeke.

Sopo 24:14

E tuu le tagata tukipo i le mafoata, O tamate le tagata mativa mo le tagata fakaaloalofa, Ti e kaia a ia i le pouli.

Sopo 24:6

E lotou tuuti le fulumeto leia e toe i faisaga ; E lotou tae a fuai vite ala e toe i le faisaga vite o le tagata agaveli.

Sopo 5:5

Ke kai lana taukai e le kau pakupaku, Ke lotou ano o too a ia o kaku ki vao talatala, Ti ke too ona koloa e ni kakai manumanu koloa.

Pesalemo 104:23

E ulu le tagata ki fafo, o ano ki lana gaoi, Ti e gaoi a ia, o kaku ki le afiafi.

Taagapati 4:16

Talie e leaise lotou momoe, kae e leikiaise lotou fai le veli ; ti e puli le fia moe ia latou mo ka e leikiaise lotou fakavilo se tasi.

Selemia 2:24

Asino kaikivao, leia e masani ki le toafa, Leia e sela i le lasi o lona oli veli, Ko ai e ma taofi ia loa a ia ke fai lona oli ? Ko latou fuli ala e afa ia a ia e leaise pakia ; E lotou maua a ia i le lolotoga o lona masina.

Oseo 7:6

Ko latou ala e faimasele e tatau mo ni gutuumu kaka. I le po katoa e moe lolatou makeke, Kae i le usu e ula a ia ofaipe se afi kaka.

Oseo 8:9

O tupu na lotou ano ki Asilia, Ofaipe se asino vao leia e tuu toka tasi ; Na fai e Efalaimi ni nea alofa ke maua ai ni ona kaukau nea.

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.

Soane 18:28

Na lotou taki loa Sesu mei le fale o Kaifa o ave ki le peletolio ; ko le pogipogi usu lena. Na leaise lotou ulu loa ki le peletolio o tupu ke aua na lotou kelekele, kae ke feala lalatou kai le Pasikate.

Gaoi 23:12

I le mafoa mai o le ao, na kauakii loa e le kau Sutea se nea veli, ti na lotou fakapapau loa ke aua na lotou kai pe inu i mua o le tamate o Paulo.