Sopo 24:1 - Tosi Tapu

¹ Kolea e leaise fakatuutuu ai e le Mafimafi ni aso ala e fai ai loa e ia ana fakamaau ? Ti kolea e leaise tio ai latou ala e iloa ia a ia ki aso ana ?

Sopo 24:1 ပူးပေါင်းရင်းမြစ်များ

Senesi 18:17

Ti na pati loa le Eteleno : Pe kau fufu loa kia Apalaamo le nea leia ka kau fai ?…

Senesi 7:4

Talie, koi toe fua ni aso e fitu, ti e kau fakato ia loa le ua ki le kele i aso e kau fa mo po e kau fa, ti e kau fakapuli loa i aluga o le kele a nea fuli ala na kau fakatupu ia.

Sopo 15:20

E nofo le tagata agaveli i le mamae i aso fuli o lona mauli, Ti mo fetuu fuli ala kua fakatuutuu kiate ia.

Pesalemo 31:15

Kae e kau fanaki kiate koe, Eteleno ! E kau pati : Ko koe ko loku Atua !

Pesalemo 36:10

Talie e iate koe le matapuna o le mauli. I lou malama e motou tio ai ki le malama.

Pesalemo 9:10

Ko le Eteleno ko se mumuniaga ki le tagata leia e fakavelivelii, Ko se mumuniaga i le temi o le mamae.

Ekelesiasi 3:17

Na kau pati i loku loto : E fakamaaui loa e le Atua le tagata agatonu mo le tagata agaveli ; talie e i ai se temi ke fakamaaui ai a nea fuli ti mo gaoi fuli.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 60:22

E liliu loa leia e ikiiki ko se tino afe, Ti ko leia e gaegae ko se puleaga makeke. Ko au, le Eteleno, e kau fakavave loa a nea ana i lona temi.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Apetiasi 1:15

Talie kua ofi mai le aso o le Eteleno, ki atu puleaga fuli ; E fai loa kiate koe o mulimuli ki le nea leia na ke fai. E vilo loa au gaoi ki lou ulu.

Sofoni 1:7

Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.

Mateo 24:38

Talie, i aso i mua o le lomaki, na kai a tagata mo inu, ti na lotou avaga mo fakaavaga olatou fanau, o kaku ki le aso leia na ulu ai loa a Noe ki le aleka ;

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Gaoi 1:7

Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Uluaki tosi ki le kau Tesalonika 5:1

Ki le nea o uiga mo temi ti mo lakaga, e leaise aoga, fetaina, ke kau fai tosi atu ki ai.

Uluaki tosi kia Timoteo 4:1

Kae e pati maoki le Laumalie : i temi fakamuli e tiaki loa e ni iki le tui, kae lotou pipiki loa ki ni laumalie kaka ti mo ni akonaki a temonio,

Uluaki tosi kia Timoteo 6:15

leia e fakasa loa i lona temi e le Aliki taualuga toka tasi mo manuia, le Sau o atu sau, le Aliki o aliki,

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.