Sopo 22:9 - Tosi Tapu

⁹ Na ke kakau ke ano le fafine lokonui mo ona lima ata, Ti na ke fatifatii a lima o toe sala matua.

Sopo 22:9 ပူးပေါင်းရင်းမြစ်များ

Sopo 24:21

Leia e fakaveliveli ki le fafine paa mo sala fanau, Leia e leaise fai ia se nea malie ki le fafine lokonui !…

Sopo 24:3

E too le asino a le fanau sala matua, Ti e taofi le pipi a le fafine lokonui ;

Sopo 31:21

Ti kapau na kau siki loku lima ki le toe sala matua Talie na kau fanaki ki le tokoi a le kau tui fakamaau ;

Sopo 6:27

E kotou fakamamae se toe sala matua, E kotou fakaveliveli ki lokoutou kaukaunea.

Pesalemo 10:15

Fatii le lima o le tagata agaveli, Tautea ana agaveli, ti ke puli a ia i ou mata !

Pesalemo 37:17

Talie fatifati loa a lima o tagata agaveli, Kae fakamauli loa le Eteleno le kau agatonu.

Pesalemo 94:6

E lotou tamate le fafine lokonui mo le matapule, E lotou tukipooi a toe sala matua.

Esaia 1:17

Kotou ako le fai o le nea e malie, kotou afa le faitotonu, Kotou puipui leia e fakavelivelii ; Kotou fai le nea e totonu ki le toe sala matua, Kotou puipui le fafine lokonui,

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 10:2

Ke aua na fakamaau i le faitotonu le kau mativa, Ti ke fakafiti a tagi a le kau gaegae o loku kakai, Ti ke fakaliliu a fafine lokonui ko alatou nea kai, Ti mo toe sala matua ko olatou koloa !

Selemia 48:25

Kua tuuti le makeke o Moape, Ti kua fati lona lima, E pati le Eteleno.

Esekiele 22:7

Kua tiaki iate koe le tamana mo le tinana, ti kua fai fakamakeke ki leia e matapule iate koe, ti kua fakapopulai le toe sala matua mo le fafine lokonui.

Esekiele 30:22

Koia e folafola ai le Aliki, le Eteleno, o pati : Ko leinei, e kau mamafa kia Falaone, sau o Esipito, Ti e kau fatii loa ona lima, Leia e malie mo leia kua fati, Ti e kau fakavilo loa le seleta i lona lima.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 23:14

Malaia kia koutou, kau sekelipa mo kau faliseo malualoi ! Talie e kotou foloako a fale o fafine lokonui, ti e kotou fai i tafa ni kole loloa ; koia e fakamaui loa koutou o toe mamafa ake.

Tetelonome 27:19

Ke malaia le tagata leia e fakasalai ia loa le fakamaau o se matapule, pe ko se fanau leia e sala tamana, pe ko se fafine leia e sala avaga ! Ti e pati loa le kakai katoa : Amene !