Sopo 22:22 - Tosi Tapu

²² Ke ke tali le akonaki mei lona gutu, Ti mo ke tuku ki lou loto ana folafola.

Sopo 22:22 ပူးပေါင်းရင်းမြစ်များ

Lua tosi o Koloniko 33:13

Na fai loa e ia ni kole kiate ia ; ti na fakamaluu loa e le Eteleno lona loto, o tali ana kole, ti mo toe aumai loa a ia ki Selusalemi ki lona puleaga. Ti na iloa loa e Manase ko le Eteleno toka tasi e Atua.

Sopo 23:12

Na leaise kau tiaki a lao o ona laugutu ; Na kau peluki loku loto ki folafola o lona gutu.

Sopo 6:10

Talie e toe loa kiate au se fimalie e tasi, Se fiafia i loto malie o malaia ala e tuku e ia kiate au : Na leaise kau maumaui fua i se aso a fakatotonu a le Maokioki.

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Taagapati 4:21

Ke aua na lotou mamao i ou mata ; Taupau latou i le takele o lou loto ;

Taagapati 4:4

I le temi lena, na ako e ia au, ti na pati a ia kiate au : Ke fakamaumau e lou loto aku masau ; Taupau aku pelesepeto, ti e ke mauli loa.

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Esekiele 3:10

Na pati mai a ia kiate au : Vosa o le tagata, ke ke tali i lou loto ti mo fakalogo mai ou taliga ki folafola fuli ala e kau fakasa atu loa kiate koe !

Mateo 12:35

E maua e le tagata malie ni nea malilie mei lona koloa malie, ti e maua e le tagata agaveli ni nea veveli mei lona koloa veli.

Mateo 13:52

Ti na pati loa a ia kia latou : Koia ko sekelipa fuli kua ako o uiga mo le Puleaga o le atu lagi, e tatau mo se pule kaiga leia e too ia mei lona koloa ni nea foou mo ni nea afea.

Luka 2:19

Na taupau e Malia a nea fuli ana, o tau fakamanatu i lona loto.

Luka 2:51

Ti na ifo loa a ia mo laua o ano ki Nasaleti, ti na fakalogo a ia kia laua. Kae na taupau e lona tinana a nea fuli ana i lona loto.