Sopo 22:16 - Tosi Tapu

¹⁶ Na tuuti latou kae na leikiaise tatae lolatou temi, Ofaipe se kaua leia na soloi e se vaitafe.

Sopo 22:16 ပူးပေါင်းရင်းမြစ်များ

Senesi 7:11

I le fetuu kau lelau ono o le mauli o Noe, i le lua masina, i le aso kau agafulu tupu fitu o le masina, i le aso lena na mapusi loa a matapuna fuli o le moana lasi ki aluga, ti na mavaa loa a matapa o le lagi.

Sopo 14:19

E gugu le fatu e le vai, Ti e ave le kele e le tafe ; E fenaaki lau maumaui le amanaki malie a le tagata.

Sopo 15:32

E soko loa le nea lena kae leikiaise tatae ona aso, Ti e leaise toe sesega loa lona taulu.

Sopo 21:13

E lotou fakaoki olotou aso fuli i le fimalie, Ti e lotou ifo i le tokamalie ki le fenua o le kau mate.

Sopo 21:18

Ke lotou faipe le mutie leia kua agina i le matagi, Pe le penu leia kua ave e le asesio.

Sopo 24:18

Kolea ! E tafea vave le tagata agaveli i le vai ; E liliu lona nofoaga ko se kele malaia, Ti e leaise toe ano a ia ki faisaga vite i se aso !

Sopo 36:14

E lotou mamate koi tupulaga, E lotou mamate ofaipe ni kakai fakalialia.

Sopo 4:19

Ti e feaki ake loa latou ala e nonofo i ni fale kele, Latou ala na fakatupu mei le kele, Latou ala e feala ke takatakafi ofaipe ni kelemutu !

Pesalemo 102:24

Na fatii e ia loku makeke i le ala, Na fakatoetoe e ia oku aso.

Pesalemo 55:23

Ke ke toe tuku lou mauli ki le Eteleno, ti e poupou loa e ia a koe, E leaise tuku loa e ia ke siga le tagata agatonu i se aso.

Pesalemo 90:5

E ke ave latou ofaipe se moe miti, Leia, i le usu, kua puli ofaipe le mutie :

Taagapati 10:27

Ko le i ki le Eteleno e fakalasi ia a aso, Kae e fakatoetoe a fetuu o le kau agaveli.

Ekelesiasi 7:17

Aua na ke vilo ki le agaveli, ti aua na ke liliu o valea : Kolea e ke mate ai loa i mua o lou aso ?

Esaia 28:2

Ko leinei se tagata lasi mo makeke e au mei le Aliki, Ofaipe se ua fatu, se sasataki maumau, Ofaipe se afa leia e fakatupu ia ni tafe makeke : E fakato e ia a ia ki le kele i le makeke katoa.

Lua tosi a Petelo 2:5

kapau na leaise fakasao e ia le malama afea, ti kapau na fakamauli fua e ia se ga toka valu o kau ai a Noe, le tagata fai akonaki lena o le faitotonu, i le temi leia na kakau mai ai e ia le lomaki ki se malama o ni tagata agasala ;