Sopo 2:8 - Tosi Tapu

⁸ Ti na too loa e Sopo se kiva o vaku ki ai lona tino, ti na tonatona loa a ia i le mugalafu.

Sopo 2:8 ပူးပေါင်းရင်းမြစ်များ

Lua tosi a Samuele 13:19

Na laku loa e Tamale ni mugalafu ki lona fa ulu ti na sae loa e ia lona kofu lanulanu ; na teki loa e ia ona lima ki lona fa ulu ti na ano loa a ia mo tagi leo lasi.

Esitele 4:1

I le iloa e Maletoseo le nea katoa leia kua soko, na sae loa e ia ona kofu, kae tui loa e ia se taga, ti na laku loa e ia se mugalafu ki lona ulu mo lona tino katoa. Ti na ano loa a ia i loto malie o le kolo, o tagi mo kalaga i le lasi o lona mamae,

Esitele 4:3

I le fenua taki tasi, mo ganea fuli ala kua kaku ki ai le fakatotonu a le sau mo lana lao, na i ai loa se mamae lasi i le kakai Sutea ; na lotou sesunio, mo fetagisi, mo tagi laulau, ti na momoe se toka api ki le taga mo le mugalafu.

Sopo 2:9

Na pati loa lana avaga kiate ia : E ke tuu makeke aifai i lou agatonu ! Lauveli ki le Atua, kae ke mate !

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Pesalemo 38:5

Talie e malaga aku agaveli i loku ulu ; Ofaipe se amoga mamafa, e lotou taomi au.

Pesalemo 38:7

E kau mapelu lua ki lalo, ti e kau maemaeia lasi ai ; E kau saele i le mamae i le aso katoa.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Selemia 6:26

Taine o loku kakai, ke ke pulou ki se taga, ti ke ke mafulifuli i le mugalafu, Tui le kofu o le putu ofaipe le putu ki se vosa fuatasi, Fakasali ou loimata, ni loimata kona ! Talie e au fakafokifa kia tatou le tagata maumau.

Esekiele 27:30

E lotou tagi leo lasi loa o tupu ko koe, Ti e lotou tagi mamae loa kiate koe ; E lotou laku loa le efu ki olatou ulu, Ti e lotou fuliteka loa i le mugalafu ;

Sonasi 3:6

Na kaku loa le nea ki le sau o Ninive ; ti na tuu ake loa a ia i lona ekeekeaga fakasau, o tatala lona taupulupulu, kae tui loa e ia se taga, ti na tonatona loa a ia i le mugalafu.

Mateo 11:21

Malaia kiate koe, Kolasini ! Malaia kiate koe, Petesaita ! Talie, kanapau na fai a milakulo ala na fai i loto malie o koutou i Tile mo Sitone, kua fualoa ake lolatou fakasemala, o too le taga mo le mugalafu.