Sopo 2:13 - Tosi Tapu

¹³ Ti na lotou nonofo loa ki le kele mo Sopo i aso e fitu mo po e fitu, kae na leaise fakamavaa fua olatou gutu, talie na lotou tio kua lasi ai lona mamae.

Sopo 2:13 ပူးပေါင်းရင်းမြစ်များ

Senesi 1:5

Ti na fakaigoa loa e le Atua le malama ko le ao, kae na fakaigoa loa e ia le fakapouli ko le pouli. Ti na i ai loa se afiafi, ti na i ai loa se usu : ko le uluaki aso loa a ia.

Senesi 1:8

Na fakaigoa loa e le Atua le vasa ko le lagi. Ti na i ai loa se afiafi, ti na i ai loa se usu : ko le lua aso loa a ia.

Senesi 50:10

I le kaku o le fanoga ki le ganea sasa fulumeto o Atati, leia na tuu i leia atu kauvai o le Solotane, na lotou fai loa i ai ni tagi lasi mo fakamamae ; ti na fai loa e Sosefo se putu ki lona tamana i aso e fitu.

Esetalasi 9:3

I laku logo ki le nea lena, na kau sae loa oku kofu mo loku taupulupulu, ti na kau futi loa oku fului ulu mo loku kaukava, ti na kau tonatona loa i le mamae.

Neemia 1:4

I laku logo ki nea ana, na kau tonatona loa ki le kele o tagi, ti na kau nofo loa i ni aso mauke ai i le mamae. Na kau sesunio loa ti na kau faikole loa ki le Atua o le atu lagi, o pati :

Sopo 3:1

Ti na sili a ia, na fakamavaa loa e Sopo lona gutu, o tutukui le aso o lona tupu.

Sopo 4:2

Kapau e motou asiasi masau kiate koe, pe ke mamae loa ? Kae ko ai leia koi mafai lana fakaleemu ?

Pesalemo 77:4

E kau manatu ki le Atua, ti e kau tagi ; E kau metitasio, ti e mamae loku laumalie. - Manava.

Esaia 3:26

E fetagisi loa a matapa o Sione ti e lotou mamae loa ; Ti e tonatona telefua loa Sione i le kele.

Esaia 47:1

Ifo, ti ke tonatona i le efu, A koe, taupoou, taine o Papilone ! Tonatona ki le kele, sala ekeekeaga fakasau, Taine o le kau Kaletea ! E leaise toe fakaigoa loa a koe fakaeteete mo fafine aliki.

Tagi laulau a Selemia 2:10

Kua tonatona le kau matua o le taine o Sione i le kele, kua lotou fakalologo ; Kua lotou pani olatou ulu ki le efu, Kua lotou tui ni taga ; Kua tuku e taineliki o Selusalemi olatou ulu ke vilo ki le kele.

Esekiele 3:15

Na kau kaku loa ki Teleapipi, ki le kau popula ala na nonofo i tafa o le vaitafe o Kepale, i le ganea leia na lotou nonofo ai ; i ai na kau nofo loa mo latou i aso e fitu, o talitali mo se loto punamauli lasi.