Sopo 2:12 - Tosi Tapu

¹² I lalatou tio kia Sopo mei mamao, na leaise lotou iloa a ia, ti na lotou siki loa olatou leo ki aluga o tagi. Na lotou sae loa olatou taupulupulu, ti na lotou laku loa le efu ki aluga o olatou ulu.

Sopo 2:12 ပူးပေါင်းရင်းမြစ်များ

Senesi 27:34

I le logo a Esau ki masau a lona tamana, na tagi leo lasi loa a ia, i le lasi o lona mamae, ti na pati loa a ia ki lona tamana : Tapuaki mai foki kiate au, ei loku tamana !

Lua tosi a Samuele 13:36

E oki atu fai lana masau kae tau mai a vosa o le sau. Na lotou fetagisi loa ; ti na toe fetagisi foki le sau mo ana tagata fakasausau.

Esetalasi 9:3

I laku logo ki le nea lena, na kau sae loa oku kofu mo loku taupulupulu, ti na kau futi loa oku fului ulu mo loku kaukava, ti na kau tonatona loa i le mamae.

Neemia 9:1

I le aso kau lua tupu fa o le masina lena, na fakatasi loa fanau a Iselaele, ti na lotou tui loa ni taga mo pani loa le efu ki se sesunio.

Esitele 4:1

I le iloa e Maletoseo le nea katoa leia kua soko, na sae loa e ia ona kofu, kae tui loa e ia se taga, ti na laku loa e ia se mugalafu ki lona ulu mo lona tino katoa. Ti na ano loa a ia i loto malie o le kolo, o tagi mo kalaga i le lasi o lona mamae,

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Sopo 19:14

Kua tiaki au e loku famili totonu, Ti kua galoi au e oku kaukaunea totonu.

Tagi laulau a Selemia 2:10

Kua tonatona le kau matua o le taine o Sione i le kele, kua lotou fakalologo ; Kua lotou pani olatou ulu ki le efu, Kua lotou tui ni taga ; Kua tuku e taineliki o Selusalemi olatou ulu ke vilo ki le kele.

Esekiele 27:30

E lotou tagi leo lasi loa o tupu ko koe, Ti e lotou tagi mamae loa kiate koe ; E lotou laku loa le efu ki olatou ulu, Ti e lotou fuliteka loa i le mugalafu ;

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.

Apokalipisi 18:19

Ti na lotou laku loa le efu ki olatou ulu, o tagi, mo lauga, ti na lotou kalaga loa, o pati : Malaia ! Malaia ! Ko le kolo lasi, leia na mou koloa ai latou fuli ala na maua ia ni vaka i le tai, o tupu ko le lasi o lana fai fakatau, kua maumaui loa a ia i se ola fai e tasi !

Tuifakamaau 2:4

I le oki o le fakasa e le aselo o le Eteleno le folafola lena ki fanau fuli a Iselaele, na fetagisi fuli loa le kakai.

Uluaki tosi a Samuele 11:4

Na kaku loa a tagata avelogo ki Kipea, le kolo o Saulo, ti na lotou fakasa loa a nea ana ki le kakai. Ti na siki loa e le kakai katoa lolatou leo, o fetagisi loa.

Uluaki tosi a Samuele 30:4

Ti ko Tavite mo le kakai leia na nofo mo ia, na lotou siki ake loa olatou leo o fetagisi, o kaku ki le oki olatou makeke.

Uluaki tosi a Samuele 4:12

Na makape loa se tagata o Pesamino mei le malae tau, o kaku ki Silo i le aso lena, kua masaesae ona kofu ti kua pani kele lona ulu.