Sopo 19:9 - Tosi Tapu

⁹ Na fakamativa e ia au i loku kololia, Ti na too e ia le pala mei loku fa ulu.

Sopo 19:9 ပူးပေါင်းရင်းမြစ်များ

Sopo 12:17

E ave popula e ia le kau fakakaukau ; E fakavalea e ia le atamai o tui fakamaau.

Sopo 12:19

E ave fakapopula e ia le kau faisakilifisio ; E ti e ia ki lalo le kau makeke.

Sopo 16:15

E leaise koi mavae le taga mei loku kili, Ti e punou tuumau loku lae ki le efu.

Sopo 30:1

Kae i le aso nei !… Kua kau liliu ko le nea fakagologolo a latou ala na muli iate au, A latou ala na leaise kau tali ke tuku olatou tamana Ke kau i le kau kuli leo o aku kau manu.

Pesalemo 89:39

Kae logo ai, na ke tiaki, na ke tekei kese ! Na ke ita ki lou filifiliia !

Pesalemo 89:40

Na ke fakanoai lau sai mo lau tagata fakasausau ; Na ke ti lona pala fakasau ki lalo ke kelekele.

Pesalemo 89:44

Na ke fakasolomuli le mata o lana seleta, Ti na leaise ke tokoi kiate ia i le tau.

Taagapati 27:24

Talie e leaise tologa le koloa o lee gato, Ti e leaise tologa se pala fakasau o lee gato.

Esaia 61:6

Kae ko koutou, e fakaigoa loa koutou ko tagata faisakilifisio a le Eteleno, E fakanofo loa koutou ko tagata fakasausau a lotatou Atua ; E kotou kai loa a koloa o atu puleaga, Ti e kotou maua loa lolatou kololia.

Tagi laulau a Selemia 5:16

Kua vilo le pala o lomatou ulu ! Malaia kia matou, talie kua motou agasala !

Oseo 9:11

E sola loa le kololia o Efalaimi ofaipe se manu lele : E leaise toe fai loa se fanauga, e leaise toe maua loa se tinae, e leaise toe soko loa se tupu.