Sopo 17:13 - Tosi Tapu

¹³ Ko le nea leia e kau talitali ki ai, ko soku nofoaga i le nofoaga o le kau mate, E kau folasi loa loku moeaga i le fakapouli.

Sopo 17:13 ပူးပေါင်းရင်းမြစ်များ

Sopo 14:14

Ka na feala ke toe mauli le tagata leia kua mate, E kau maua loa le amanaki malie i le temi katoa o oku mamae, O kaku ki le temi e fetogi ai loa loku anoaga.

Sopo 17:1

Kua faigataa laku tukumanava, Ti kua oki oku aso ; Kua talitali mai le tanuma kiate au.

Sopo 17:12

Ti e lotou pati ki le pouli ko le ao, Ti kua ofi mai le mafoata, kae koi lolotoga le pouli !

Sopo 3:13

Kua kau moe loa i le aso nei, kua kau fimalie loa, Io, kua kau moe loa, kua kau malolo loa i loku tanuma,

Sopo 30:23

Talie e kau iloa e ke taki au ki le mate, Ki le ganea leia e fakatasi ai latou fuli e mauuli.

Sopo 6:11

Kolea le uiga o laku amanaki malie, kae kua oki katoa loku makeke ? Kolea le uiga o laku talitali, kae kua gato loku mauli ?

Sopo 7:9

Ofaipe se ao leia e mavetevete o puli, E leaise toe pale ake loa leia e ifo ki le nofoaga o le kau mate ;

Pesalemo 139:8

Kapau e kau pale ki atu lagi, e ke nofo i ai ; Kapau e kau moe i le nofoaga o le kau mate, ko lena koe i ai.

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Ekelesiasi 12:5

le temi leia e lulu ai loa a tagata leo o le fale, leia e pipiko ai loa a tagata makeke, leia e tuu ai loa a fafine ala e fakamaluu ia a magiti talie kua lotou lavaki, leia e fakapouli ai loa latou ala e tio i matapa,

Esaia 57:2

E ulu loa a ia ki le tokamalie, E malolo loa a ia i lona moeaga, Leia e mulimuli loa i le ala totonu.