Sopo 17:11 - Tosi Tapu

¹¹ Kolea ! Kua oki oku aso, kua motusi aku fakatuutuu, A fakatuutuu ala na fakaapele ia loku loto…

Sopo 17:11 ပူးပေါင်းရင်းမြစ်များ

Sopo 17:1

Kua faigataa laku tukumanava, Ti kua oki oku aso ; Kua talitali mai le tanuma kiate au.

Sopo 17:12

Ti e lotou pati ki le pouli ko le ao, Ti kua ofi mai le mafoata, kae koi lolotoga le pouli !

Sopo 7:6

Kua gasolo ake oku aso i le taula a le tagata lalaga kie, Ti kua lotou kaku ki le gatoaga, e leaise koi maua se amanaki malie !

Taagapati 16:1

Ko fakatuutuu ala e fai e le loto e fakalogo ki le tagata, Kae ko le tali leia e tuku e le gutu e au mei le Eteleno.

Taagapati 16:9

E fakakaukau le loto o le tagata ki lona ala, Kae ko le Eteleno leia e taki ia ona lakaaga.

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Esaia 38:10

Na kau pati : Koi lolotoga loku makeke, kae kua tonu ke kau ano Ki matapa o le nofoaga o le kau mate. Kua kau sala i le toega o oku fetuu !

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Loma 1:13

Fetaina, e kau loto ke kotou iloa kua tua lasi ai laku fakatuutuu ke kau natu kia koutou, o tupu ke kau maua ni fua ia koutou ofaipe i la ake puleaga ; kae na tau taofi au o kaku mai ki le aso nei.