Sopo 16:13 - Tosi Tapu

¹³ Kua au ana gasau kiate au mei ganea fuli, Ti kua sukii fakaveliveli e ia oku ifiifi, Ti kua fakasali e ia loku au ki le kele.

Sopo 16:13 ပူးပေါင်းရင်းမြစ်များ

Senesi 49:23

Na fakaveliveli kiate ia ni tagata fai kalolo, Ti na lotou kaloloi a ia ki alatou kalolo, Ti na lotou kapu a ia i lolatou vesia.

Sopo 19:12

Na fakatasi e ia lana kau solia kiate au, Ti na lotou fakamavaa se ala o kaku mai kiate au, Ti na lotou takatakai loku falela.

Sopo 19:27

E kau tio loa kiate ia, ti e fiafia loa a ia kiate au. Io, e tio loa oku mata totonu kiate ia, kae e leaise ko se tasi ake ; E pakia loku loto i le talitali ki le aso a ia.

Sopo 20:25

E tatai e ia le gasau gigila i lona tua, leia e fakalaka loa i lona ate ; Ti e vilo fakapunamauli loa kiate ia a fakaii o le mate.

Sopo 25:3

Ko ai e mafai ke lau ia ana kau tau ? Ko ai leia e leaise sopo ki ai lana laa ?

Sopo 6:10

Talie e toe loa kiate au se fimalie e tasi, Se fiafia i loto malie o malaia ala e tuku e ia kiate au : Na leaise kau maumaui fua i se aso a fakatotonu a le Maokioki.

Sopo 6:4

Talie kua kau pupu i gasau a le Mafimafi, Ti e inu e loku laumalie lona kona ; Kua tuu mai kiate au a nea fakaii fuli a le Atua.

Tagi laulau a Selemia 2:11

Kua gaegae oku mata i le tagi, kua pula oku tootooga, Kua pa loku au i le kele, O tupu kua maumau le taine o loku kakai, O tupu kua mata fakapouli a toe mo toe memea i ala o le kolo.

Tagi laulau a Selemia 2:4

Na toso e ia lana kalolo ofaipe ki se fili ; Na siki lona lima atamai ki aluga ofaipe le lima o le fili ; Na tamate e ia a nea fuli e fulumalie ki le mata ; Na liligi e ia lona sausau ofaipe se afi ki le falela o le taine o Sione.

Tagi laulau a Selemia 3:11

Na pikoii e ia oku anoaga, na saei e ia au, Na tuku e ia au ki le mativa.

Tagi laulau a Selemia 3:13

Na fakaulu e ia ki oku ifiifi A gasau o lana taga gasau.

Esekiele 5:11

Koia e pati le Aliki, le Eteleno : E kau mauli ! O tupu na ke fakakelekele loku fale tapu ki au taulaatua fuli mo au nea fakalialia fuli, ko au foki, e kau too loa oku mata iate koe, ti e leaise maua loa e loku fa mata se manava alofa kiate koe.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Lua tosi a Petelo 2:5

kapau na leaise fakasao e ia le malama afea, ti kapau na fakamauli fua e ia se ga toka valu o kau ai a Noe, le tagata fai akonaki lena o le faitotonu, i le temi leia na kakau mai ai e ia le lomaki ki se malama o ni tagata agasala ;