Sopo 15:8 - Tosi Tapu

⁸ Pe kua ke logo ki le manatu fakapulipuli a le Atua ? Pe na ke too le poto ma au toka tasi ?

Sopo 15:8 ပူးပေါင်းရင်းမြစ်များ

Sopo 11:6

Ti ka na fakasa atu e ia kiate koe a manatu fakafufu o lona poto, Io, o lona poto lasi, E ke tio loa e leaise fai e ia kiate koe o mulimuli ki lau agaveli.

Sopo 12:2

E sakinake ko le malama nei katoa ko koutou fai, Ti e tonu ke mate le poto mo koutou.

Sopo 29:4

Kolea e leaise kau toe maua ai a aso o loku makeke, Ala na leoleo ai le Atua ki loku fale ofaipe soku kaukaunea,

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Taagapati 3:32

Talie e fakalialia le Eteleno ki tagata agaveveli, Kae ko le kaukau nea a ia o tagata maokioki ;

Selemia 23:18

Ko ai na kau i le fono a le Eteleno, O tio, mo logo ki lana folafola ? Ko ai na tokaga lona taliga ki lana folafola, ko ai na logo ki ai ?

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Mateo 13:35

o tupu ke fakasoko le nea leia na fakailo fakatomua e le polofeta : E kau fakamavaa loa loku gutu i ni folafola fakatata, E kau fakasa loa ni nea ala na munia talu mei le fakatupu o le malama nei.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Loma 11:34

Ko ai na iloa ia le manatu a le Aliki, Pe ko ai na ako ia a ia ?

Uluaki tosi ki le kau Kolinto 2:16

Talie Ko ai na iloa ia le manatu a le Aliki ? Ko ai na tuku ia ni tokoi kiate ia ? Kae ko tatou, e tou maua le manatu a Kilisito.

Tetelonome 29:29

Ko nea ala koi munia a le Eteleno, lotatou Atua ; ko nea ala kua fakasa a tatou mo tou fanau, o lee gato, o tupu ke tou fai a folafola fuli o le lao leinei.