Sopo 15:34 - Tosi Tapu

³⁴ Io, e liliu loa o paa le fale o le tagata agaveli, Ti e tutu loa e le afi le falela o le tagata kua fakalialia o tupu ko koloa.

Sopo 15:34 ပူးပေါင်းရင်းမြစ်များ

Sopo 11:14

Ke ke Fakamamao mei le agaveli, Ti aua na ke tuku ke nofo le agasala i lou falela.

Sopo 12:6

E manuia le kau kaia i olatou falela, Ti e fimalie latou ala e fakatupu ia le sausau o le Atua, Mo latou fuli ala e atua ki lolatou makeke.

Sopo 15:30

E leaise sao loa a ia mei le fakapouli o le mate, Ti e tutu loa e le afi ona uli, Kae e tamate loa a ia e le Atua ki le tukumanava o lona gutu.

Sopo 18:15

E leaise nofo se tasi o lona famili i lona falela ; Ti e laku loa le sufele ki lona nofoaga.

Sopo 20:1

Na masau loa Tesofale mei Naama, o pati :

Sopo 27:8

Ko le amanaki malie fea leia e toe ki le tagata agasala, Mo ka tuuti e le Atua le va o lona mauli, Mo ka too e le Atua lona laumalie ?

Sopo 36:13

E itaita le kau malualoi ki le Atua, Kae e leaise lotou tagi kiate ia mo ka sai latou e ia ki ni tini.

Sopo 8:13

Ko lena le nea leia e soko kia latou fuli ala e galoi ia le Atua ; E puli loa lena le amanaki malie a le tagata agaveli.

Sopo 8:22

Kae ko latou ala e vesia kiate koe e apele loa i le luma ; E puli loa le falela o le kau agasala.

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Mateo 24:51

Ti e tautea fakaveliveli loa e ia le tagata fakasausau lena, o soli kiate ia lona vaega mo le kau malualoi : Ko lena le ganea leia e maua ai loa ni tagi mo ni fetati o nifo.

Uluaki tosi a Samuele 12:3

Ko leinei au ! Ke kotou fakamaoki mai kiate au i mua o le Eteleno, mo mua o lona filifiliia. Ko ai leia na kau too ia lana pipi ti ko ai leia na kau too ia lana asino ? Ko ai leia na kau kakaai ti ko ai leia na kau fai fakaveliveli ? Ko ai leia na kau tali mei ai se nea alofa ke tapono ai oku mata kiate ia ? E kau toe fakaliliu loa a ia kiate ia.

Uluaki tosi a Samuele 8:3

Na leaise saele loa a vosa o Samuele i ona ala ; na la manumanu koloa loa, o la tali loa ni nea alofa ti na la maumaui loa le faitotonu.