Sopo 15:14 - Tosi Tapu

¹⁴ Kolea le tagata, ke ke pati ai e mea a ia ? Pe feala ke faitotonu leia na tupu mei le fafine ?

Sopo 15:14 ပူးပေါင်းရင်းမြစ်များ

Uluaki tosi o Sau 8:46

Ka lotou agasala loa kiate koe, talie e leaise maua se tagata fua e tasi leia e leaise agasala, ka ke ita loa kia latou, o ke tuku loa latou ki olatou fili, ala e ave ia loa latou o fakapopula i se fenua o le fili, pe mamao pe feofi ;

Lua tosi o Koloniko 6:36

Ka lotou agasala loa kiate koe, talie e leaise tagata loa e leaise agasala, ti ka ke ita loa kia latou, o ke tuku latou ki le fili, leia e ave popula ia loa latou ki se fenua mamao pe ofi ;

Sopo 14:1

E tupu le tagata mei le fafine ! E toetoe fua lona mauli, ti e apele a ia i mamae.

Sopo 14:4

Pe feaki loa ke tupu mei se tagata kelekele se tagata mea ? E leaise feala ke tupu meiate ia se fa toka tasi fua.

Sopo 15:13

Pe leaise ke iloa ko le Atua leia e ke lolotoga ita ki ai ? Ti ko ia leia e ke fai ki ai a masau ana !

Sopo 9:2

E kau iloa malie e fenaaki ; Kae feaki loa le faitotonu a le tagata i mua o le Atua ?

Pesalemo 14:2

E tio le Eteleno mei aluga o le lagi ki vosa o le tagata, Ke tio ki se tasi leia e atamai, Leia e afa ia le Atua.

Pesalemo 14:3

Kua lotou sese fuli, kua lotou fakalialia fuli, E leaise fa toka tasi fua e fai ia le malie, E leaise fa toka tasi fua.

Pesalemo 143:2

Aua na ke fakamaaui lau tagata fakasausau ! Talie e leaise agatonu se tagata mauli i ou mua.

Pesalemo 51:5

Talie e kau iloa aku sala : Ti e tuu mau laku agasala i oku mua.

Taagapati 20:9

Ko ai e pati loa : kua kau fakamea loku loto, Kua kau mea i laku agasala ?

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Ekelesiasi 7:29

Ti ko leinei le tasi a nea leia kua kau maua : Na fakatupu e le Atua le tagata i le agatonu, kae kua lotou fakaliliu ia a nea fuli o faigataa.

Soane 3:6

Ko le nea leia na tupu i le kanofi e kanofi, ti ko le nea leia na tupu i le Laumalie Maokioki e laumalie.

Loma 7:18

E kau iloa e leaise nofo iate au le nea e malie, ko lona uiga i loku kanofi : Talie e kau maua ia le loto fia fai ki le nea e malie, kae e leai le mafai.

Kalate 3:22

Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.