Sopo 14:2 - Tosi Tapu

² E tupu ake a ia ofaipe se sei laakau, ti e tuuti a ia ki lalo ; E sola a ia ti e puli a ia ofaipe se malu.

Sopo 14:2 ပူးပေါင်းရင်းမြစ်များ

Uluaki tosi o Koloniko 29:15

Ko matou ko ni matapule kae kua motou nonofo i le fenua, ofaipe omatou tamana fuli ; ko omatou aso i le kele e tatau mo le malu, ti e leai se amanaki malie.

Sopo 15:33

E fai loa a ia pe se vite leia kua maluluku ona fua kae koi momoto, Pe ko se oliveto leia kua maluluku fuli ona se.

Sopo 4:20

E fatifatii latou ki lalo mei le usu ki le afiafi, E lotou puli o lee gato, kae e leaise tokaga se tasi fua ki ai.

Sopo 8:9

Talie na tou tupu fua nanafi, e leaise tou iloa fua se nea, Ti e tatau otou aso i le malama nei mo se ga malu.

Pesalemo 102:11

O tupu ko lou ita mo lou sausau lasi ; Talie na ke siki au, o ti ki mamao.

Pesalemo 102:12

Kua tatau oku aso mo le malu o le afiafi, Ti e kau malo ofaipe le mutie.

Pesalemo 102:5

Kua lavea loku loto, ti kua malo a ia ofaipe le mutie ; Kua galo foki iate au le kai o laku pane.

Pesalemo 144:4

E tatau le tagata mo se tukumanava, Ti e tatau ona aso mo le malu leia e mole.

Pesalemo 37:2

Talie e vave lolatou tuuti ofaipe le mutie, Ti e lotou gini vave ofaipe le mutie sesega.

Pesalemo 39:5

Eteleno ! fakasa mai kiate au le gatoaga o loku mauli, Mo le fuafua o oku aso, O tupu ke kau iloa le lasi o loku gaegae.

Pesalemo 39:7

Io, e evaeva le tagata ofaipe se malu, E taugaoi noa a ia ; E tanaki e ia, kae e leaise iloa e ia pe ko ai e maua ia loa.

Pesalemo 92:12

E fiafia loku mata i le tio ki oku fili, Ti mo loku taliga i le logo ki le kau agaveli e vesia kiate au.

Pesalemo 92:7

E leaise iloa e le tagata valea sana nea i ai, Ti e leaise tokaga fua ki ai le tagata sala atamai.

Ekelesiasi 8:13

Ti e leaise fiafia le tagata agaveli, ti e leaise fualoa ona aso o tatau mo le ata, talie e leaise i a ia ki le Atua.

Sakopo 4:14

Kotou ala e leaise iloa ia fua le nea ka soko i apogipogi ! Talie kolea lokoutou mauli ? Ko se afu koutou leia e sa i se ga temi noa, ti puli.

Uluaki tosi a Petelo 1:24

Talie E fai kanofi fuli pe le mutie, Ti ko lona kololia katoa pe le se o le mutie. Egae le mutie, ti e vilo le se ;