Sopo 14:12 - Tosi Tapu

¹² E fenaaki le tagata, e moe a ia ki lalo ti e leaise toe tuu ale loa a ia ki aluga ; E leaise toe ala ake loa a ia o kaku ki le puli o le lagi i aluga, Ti e leaise toe tuu ake loa a ia i lana moe.

Sopo 14:12 ပူးပေါင်းရင်းမြစ်များ

Apokalipisi 21:1

Ti na oki a ia, na kau tio loa ki se lagi foou mo se kele foou ; talie kua puli loa le uluaki lagi mo le uluaki kele, ti kua puli foki le tai.

Sopo 3:13

Kua kau moe loa i le aso nei, kua kau fimalie loa, Io, kua kau moe loa, kua kau malolo loa i loku tanuma,

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Gaoi 3:21

leia e tonu ke tali e Selo o kaku ki aso o le toe fakafoou o nea fuli, leia na masau ki ai le Atua i le gutu o ana polofeta maokioki o le temi mua.

Mateo 24:35

E puli loa le lagi mo le kele, kae e leaise toe puli loa aku folafola.

Esaia 65:17

Talie e kau fakatupu loa se lagi foou Mo se kele foou ; E leaise toe manatu loa ki nea kua sili, E leaise lotou toe au loa ki le loto.

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Esaia 26:19

Ke toe mauuli ou mate ! Ke toe tutuu ake ki aluga oku mate ! Kotou alaala ti kotou fiafia, kakai o le efu ! Talie ko lou sasau ko se sasau fakamauli, Ti e toe soli loa e le kele le malama o le aso ki le kau mate.

Sopo 30:23

Talie e kau iloa e ke taki au ki le mate, Ki le ganea leia e fakatasi ai latou fuli e mauuli.

Loma 8:20

Talie na fakataulaloi le malama nei ki le vaiga, kae na leaise loto a ia ki ai, e leia na tuku ia a ia ki ai,

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Esaia 66:22

Talie, ofaipe le lagi foou Mo le kele foou ala ka kau fakatupu loa E tutuu loa i oku mua o lee gato E tutuu loa lokoutou sakoga mo lokoutou igoa i oku mua o lee gato.

Ekelesiasi 12:5

le temi leia e lulu ai loa a tagata leo o le fale, leia e pipiko ai loa a tagata makeke, leia e tuu ai loa a fafine ala e fakamaluu ia a magiti talie kua lotou lavaki, leia e fakapouli ai loa latou ala e tio i matapa,

Pesalemo 102:26

Na ke fakatupu i le kamataaga le kele, Ti ko le lagi ko le gaoiaga o ou lima.

Sopo 7:21

Kolea e leaise ke fakamolemole ai laku agasala, Ti e leaise ke fakamolemole ai laku agaveli ? Talie ka kau moe loa ki le kele ; E ke afa loa au, kae e kau puli loa.

Pesalemo 90:5

E ke ave latou ofaipe se moe miti, Leia, i le usu, kua puli ofaipe le mutie :

Sopo 7:9

Ofaipe se ao leia e mavetevete o puli, E leaise toe pale ake loa leia e ifo ki le nofoaga o le kau mate ;

Ekelesiasi 11:8

E tonu ke fiafia le tagata i fetuu taki tasi ala kua soli kiate ia, logo ai pe mauli fualoa a ia ; talie e tonu ke tou iloa e feauga malie a aso ala e tou mamae ai, talie e fai le apogipogi ki vaiga.