Sopo 13:12 - Tosi Tapu

¹² E tatau akoutou tonu mo le mugalafu, Ti e tatau akoutou manatu mo le pela.

Sopo 13:12 ပူးပေါင်းရင်းမြစ်များ

Senesi 18:27

Na toe masau loa Apalaamo, o pati : Ke ke fakamalie mai kiate au leinei kua toa i le masau atu kiate koe, Aliki, a au leinei ko le ga efu noa ti ko le ga mugalafu noa.

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Sopo 13:11

Pe leaise kotou i ki le mafimafi o le Atua ? Pe leaise vilo loa lona sausau kia koutou ?

Sopo 13:13

Kotou fakalologo, kotou tuku noa au, e kau fia masau ! E soko mai loa kiate au le nea leia ka soko mai loa.

Sopo 18:17

E leaise toe manatui loa a ia i le malama nei, Ti e leaise toe too lona igoa i se ganea.

Sopo 21:34

Kolea le aoga o akoutou masau fakafimalie kiate au ? Ko akoutou tali ko kaka fuli !

Sopo 27:1

Na fai loa e Sopo se masau mamafa, o pati :

Sopo 29:1

Na toe fai e Sopo se tasi masau mamafa, o pati :

Sopo 4:19

Ti e feaki ake loa latou ala e nonofo i ni fale kele, Latou ala na fakatupu mei le kele, Latou ala e feala ke takatakafi ofaipe ni kelemutu !

Pesalemo 102:12

Kua tatau oku aso mo le malu o le afiafi, Ti e kau malo ofaipe le mutie.

Pesalemo 109:15

Ke la tuu i mua o le Eteleno o lee gato, Ti ke too e ia lolatou fakamanatu i le malama nei,

Pesalemo 34:16

E tio a mata o le Eteleno ki le kau agatonu, Ti e logo ona taliga ki alatou tagi.

Ekesote 17:14

Na pati loa le Eteleno kia Moisese : Tosi le nea lena i se tosi, o tupu ke tausi lona fakamanatu, ti ke fakasa kia Sosue e kau soloi loa le igoa o Amaleke i le lalo lagi.

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.

Esaia 26:14

Ko latou ala kua mamate e leaise toe mauli loa, E leaise toe tutuu ake loa ki aluga ni ata ; Talie na ke tautea latou, na ke tamate latou, Ti na ke maumaui a fakamanatu fuli.

Lua tosi ki le kau Kolinto 5:1

Talie e ma iloa, ka maumaui loa le falela leinei leia e ma nonofo ai i le malama nei, e ma maua ia loa i le lagi se fale leia na fai e le Atua, ko se nofoaga lee gato leia na leaise fai e le lima o tagata.