Sopo 12:6 - Tosi Tapu

⁶ E manuia le kau kaia i olatou falela, Ti e fimalie latou ala e fakatupu ia le sausau o le Atua, Mo latou fuli ala e atua ki lolatou makeke.

Sopo 12:6 ပူးပေါင်းရင်းမြစ်များ

Sopo 12:5

Ko le vaega o leia e mamae ko le vesia ! Ko le tali a ia a latou ala e fimalie ; Io, e lotou tuku le vesia ki leia kua seke lona vae.

Sopo 12:7

Ke ke vesili ki manu, ti e lotou ako atu loa a ia kiate koe, Ke ke vesili ki manu lele o le lagi, ti e lotou fakasa atu loa a ia kiate koe ;

Sopo 15:13

Pe leaise ke iloa ko le Atua leia e ke lolotoga ita ki ai ? Ti ko ia leia e ke fai ki ai a masau ana !

Sopo 22:18

Kae na fakaapele e le Atua olatou fale ki ni koloa. Ke mamao atu iate au a fakakaukau a le kau agaveli !

Sopo 24:23

E soli e le Atua kia latou le fimalie mo le fanaki, Ti e leoleo e ia olatou ala.

Sopo 9:24

Ka vilo se fenua ki lima o se tagata tukipo, E tapono e le Atua a mata o le kau tui fakamaau. Ti kapau e leaise ko ia, ti ko ai loa ?

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Pesalemo 37:1

A Tavite. Aua na ke ita ki tagata agaveli. Aua na ke finenonofo kia latou ala e fai ia le veli.

Pesalemo 37:35

Na kau tio ki le tagata agaveli i lona makeke katoa ; Na mafolafola a ia ofaipe se laakau sesega.

Pesalemo 73:3

O tupu na kau fua ki le kau vale, I laku tio ki le manuia o le kau agaveli.

Pesalemo 92:7

E leaise iloa e le tagata valea sana nea i ai, Ti e leaise tokaga fua ki ai le tagata sala atamai.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 5:27

Ofaipe se kisi kua apele i manu lele ; Kua apele foki olotou fale i le kaka ; Koia leia kua lotou liliu ai o mauiga mo mou koloa.

Selemia 5:28

Kua lotou pepeti, ti kua lotou gigila ; Kua lotou fakalaka i fuafua fuli o le veli ; E leaise lotou fakamaau i le faitotonu, E leaise lotou fakamaau i le faitotonu le toe sala matua, leia e tonu ke malo i lona fakamaau ; E leaise lotou fai le nea e totonu ki le kau mativa.

Apakuki 1:11

Ti e liuga tua lua e ia lona makeke, E soko atu e ia lana saele, ti e asilisili ake lana agasala. Ko lona makeke o ona, ko lena lona atua !