Sopo 12:13 - Tosi Tapu

¹³ Kae e nofo i le Atua le maoki, mo le poto, mo le mafimafi ; E maua e ia le fakakaukau mo le atamai.

Sopo 12:13 ပူးပေါင်းရင်းမြစ်များ

Sopo 11:6

Ti ka na fakasa atu e ia kiate koe a manatu fakafufu o lona poto, Io, o lona poto lasi, E ke tio loa e leaise fai e ia kiate koe o mulimuli ki lau agaveli.

Sopo 12:16

E maua e ia le makeke mo le fakapotopoto ; E pule a ia ki leia e sese pe fakasese ia ni iki.

Sopo 26:12

E lagai e ia le tai ki lona makeke, Ti e fatii e ia lona fia nealasi ki lona atamai.

Sopo 36:5

E mafimafi le Atua, kae e leaise tiaki e ia se tagata ; E mafimafi a ia i le makeke o lona atamai.

Sopo 38:36

Ko ai leia na tuku ia le poto ki le loto, Ko ai leia na soli ia le atamai ki le ipisi ke iloa e ia ka puke le Nile ; Ti mo le atamai ki le moatoa ke iloa e ia ka to le ua ?

Sopo 9:4

A ana le poto mo le mafimafi : Ko ai leia e fakatutuu kiate ia kae leaise tautea a ia ?

Pesalemo 147:5

E lasi lotatou Aliki, ti e lasi ai lona makeke ; E leai se gatoaga o lona atamai.

Taagapati 8:14

A aku le tokoi mo le manuia ! Ko le atamai ko au, a aku le makeke.

Esaia 31:2

Kae e poto foki mo ia, e aumai e ia le malaia, Ti e leaise toe too e ia ana folafola ; E tuu loa a ia ki aluga ki le fale o le kau agaveli, Ki le tokoi a latou ala e fai ia le agaveli.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Selemia 10:12

Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Taniela 2:20

Na masau loa Taniela, o pati : Ke fakafetai ki le suafa o le Atua, o lee gato mo lee gato ! A ana le poto mo le makeke.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Loma 11:34

Ko ai na iloa ia le manatu a le Aliki, Pe ko ai na ako ia a ia ?

Uluaki tosi ki le kau Kolinto 1:24

kae ko se makeke o le Atua mo se poto o le Atua kia latou ala kua kalagai, i le kau Sutea mo le kau Keleka.

Efeso 1:11

Iate ia kua tou liliu foki ko fanau mau tofiga, talie kua filifili fakatomua e ia tatou o mulimuli ki le fakatuutuu a leia e fai ia a nea fuli o mulimuli ki le tokoi o lona finegalo,

Efeso 1:8

leia kua tufa e le Atua kia tatou i poto kesekese ti mo atamai kesekese ;

Kolose 2:3

misitelio leia e fufu ai a koloa fuli o le poto ti mo le iloa.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.