Sopo 11:7 - Tosi Tapu

⁷ Pe feala ke ke ului a manatu loloto a le Atua, mo ke kaku o iloa le lasi o lona Mafimafi ?

Sopo 11:7 ပူးပေါင်းရင်းမြစ်များ

Sopo 22:12

Pe leaise agai le Atua i le lagi taualuga ? Tio ki le tumutumu o fetuu, e lotou taualuga ai !

Sopo 26:14

Ko potupotu ana o ona ala, Ko le ga logoa noa leia e kaku mai kia tatou. Kae ko ai e logo loa ki le mana o lona mafimafi ?

Sopo 27:11

E kau ako atu loa kia koutou a ala o le Atua, E leaise kau fufu loa kia koutou a fakatuutuu a le Mafimafi.

Sopo 33:12

E kau fakasa kiate koe e ke faisala i le nea lena, ei Sopo ; Talie e taualuga ake le Atua i le tagata.

Sopo 33:13

Pe ke fia visi loa mo ia, Talie e leaise fakamatala e ia ana nea ala e fai ?

Sopo 35:5

Tio ki le lagi, o tio ! Tio ki ao, ala e taualuga ake iate koe !

Sopo 36:26

E lasi ai le Atua, ti e leaise feala ke tou iloa lona mafimafi, E leaise mafai ke iloa le lasi o ona fetuu.

Sopo 37:23

E leaise feala ke tou kaku ki le Mafimafi, E lasi a ia i le makeke, I le faitotonu, mo le pule. E leaise tali mai a ia !

Sopo 37:5

E masau fakamakeke a ia i le mana, Ti e tio tagata fuli ki lona fulumalie : Ko se milakulo lena e leaise feala ke matala ki ai.

Sopo 42:3

Ko ai leia e valea o fakaliliu aku fakatuutuu ke fakapouli ? Io, na kau masau, kae na leaise kau matala kia latou, Ki ni nea lalasi ala e fakalaka iate au ti e leaise kau iloa,

Sopo 5:9

E fai e ia ni nea lalasi, ala e leaise feala ke matala ki ai, Ti e leaise feala ke lau ana nea fakaofolele ;

Pesalemo 139:6

Ko se poto lasi fenaaki e leaise kau kaku ki ai ; E taualuga veli ai a ia ke kau matala ki ai.

Pesalemo 145:3

E lasi le Eteleno, ti e gali a ia i le fakafetai, Ti e leaise mafai ke iloa lona lasi.

Pesalemo 77:19

Na pa loa lou mana i le asesio, Na fakamalama loa e uila le malama nei katoa ; Na lulu loa le kele i le i.

Taagapati 30:4

Ko ai na pale ki le atu lagi, ti ko ai na ifo mei ai ? Ko ai na tanaki ia le matagi i lona lima ? Ko ai na fakamaopoopo ia a atu vai i lona kofu ? Ko ai na fakatuu ia a potupotu o le malama nei ? Ko ai lona igoa, ti ko ai le igoa o lona vosa ? Pe ke iloa a ia ?

Ekelesiasi 3:11

Kua fai e ia a nea fuli ke fulumalie i lona temi totonu. Kua tuku foki e ia ki olatou loto le manatu o le mauli lee gato, logo ai e leaise mafai ke matala le tagata ki le gaoi leia e fai e le Atua mei lona kamataaga o kaku ki lona fakaoki.

Ekelesiasi 7:24

Ko le nea leia e mamao, ko le nea leia e loloto lasi, ko ai e feala ke kaku ki ai ?

Esaia 40:28

Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Uluaki tosi ki le kau Kolinto 2:10

Ti kua fakasa e le Atua a nea ana kia tatou i lona Laumalie : Talie e ului e le Laumalie a nea fuli, tatau foki mo nea loloto o le Atua.

Uluaki tosi ki le kau Kolinto 2:16

Talie Ko ai na iloa ia le manatu a le Aliki ? Ko ai na tuku ia ni tokoi kiate ia ? Kae ko tatou, e tou maua le manatu a Kilisito.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,