Sopo 1:5 - Tosi Tapu

⁵ Ti ka oki a aso fakafiafia, e kakau loa e Sopo ke au kiate ia ona vosa, ke fakamea latou ; e tuu ake loa a ia i le mafoata o momoli ni failaulau o fakatatau ki le lasi o ana fanau ; talie na pati a Sopo : E feala ke agasala oku vosa ti ke lotou masau sala ki le Atua i olatou loto. Ko lena le fai masani a Sopo.

Sopo 1:5 ပူးပေါင်းရင်းမြစ်များ

Senesi 22:3

Na tuu ake loa Apalaamo i le pogipogi usu, o teuteui lana asino, ti na too loa e ia ni tagata fakasausau e toka lua ke ano mo ia, ti mo lona vosa ko Isaake. Na taisi loa e ia se fafie ki le sakilifisio, ti na ano loa a ia ki le ganea leia na pati ki ai le Atua.

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Senesi 8:20

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Uluaki tosi o Sau 18:31

Na too loa e ia a fatu e kau agafulu tupu lua, o mulimuli ki le api o faasiga o vosa o Sakopo, ala na pati loa ki ai le Eteleno : Ko lou igoa ko Iselaele ;

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Neemia 12:30

Na fakamea loa le kau tagata faisakilifisio mo le kau Levi, ti na lotou fakamea loa le kakai, mo matapa, ti mo le paa fatu.

Sopo 1:11

Kae ke falo lou lima, o taai ana nea fuli, ti e kau iloa papau, e lauveli loa a ia kiate koe.

Sopo 1:4

Na tau ano ona vosa ki le kaiga o leia mo leia ia latou, o fai i ai se kai. Ti na lotou fakaafe olatou tuagaane e toka tolu ke kai mo inu mo latou.

Sopo 2:9

Na pati loa lana avaga kiate ia : E ke tuu makeke aifai i lou agatonu ! Lauveli ki le Atua, kae ke mate !

Sopo 27:10

Pe maua e ia lona fiafia i le Mafimafi ? Pe faikole a ia i temi fuli ki le Atua ?

Sopo 41:25

E tio fianealasi a ia ki nea fuli e taualuga, Ko le sau a ia o manu fia tagata fuli.

Sopo 42:8

Kotou too i le lakaga nei ni pipi tagata e fitu mo ni akeno tagata e fitu, ti kotou ano ki laku tagata fakasausau ko Sopo, ti kotou momoli se failaulau o tupu ko koutou. E faikole loa laku tagata fakasausau ko Sopo o uiga mo koutou, ti ko loku alofa kia Sopo toka tasi leia e leaise kau tautea ai loa koutou o mulimuli ki lokoutou valelea ; talie na leaise kotou masau kiate au i le maoki, ofaipe laku tagata fakasausau ko Sopo.

Sopo 6:14

E tonu ke maua e leia e mamae le alofa o lona kaukaunea, Tatau aifai mo ka kua tiaki e ia le i ki le Mafimafi.

Sopo 8:4

Kapau na agasala ou vosa ki le Atua, Ti kua tuku e ia latou ki lalatou agasala ?

Pesalemo 5:3

Tokaga mai ki aku kalaga, ei loku sau mo loku Atua ! Ko koe leia e kau fai ki ai laku kole.

Ekesote 18:12

Ti na momoli loa e Setelo, tamana o le avaga o Moisese, se failaulau mo ni sakilifisio fakafetai ki le Atua. Na au loa Alone mo le kau matua fuli o Iselaele o kau i le kaitasi mo le tamana o le avaga o Moisese, i mua o le Atua.

Ekesote 19:10

Ti na pati loa le Eteleno kia Moisese : Toe liliu ki le kakai, ti ke pati kia latou ke lotou fakamea i le aso nei mo apogipogi, ti ke lotou fakamea olatou teu.

Ekesote 24:5

Na kakau loa e ia ni tama tupulaga o fanau a Iselaele, ke lotou momoli ki le Eteleno ni failaulau, ti ke lotou tamate ni pipi tagata ki ni sakilifisio fakafetai.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Esekiele 14:14

Kae e maua loa i loto malie o le fenua lena a tagata anei e toka tolu, ko Noe, mo Taniela, mo Sopo, e lotou saofaki loa olatou laumalie ki lalatou faitotonu, e pati le Aliki, le Eteleno.

Luka 1:75

Ti ke tou saele i ona mua i le maokioki mo le faitotonu i aso fuli o lotatou mauli.

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Soane 11:55

Kua ofi le Pasikate o le kau Sutea. Ti na pale loa se kakai toka api o le fenua ki Selusalemi i mua o le Pasikate, ke fakamea latou.

Gaoi 21:26

I leia ake a aso, na too loa e Paulo a tagata ana, ti na fakamea loa a ia, ti na ulu loa a ia ki le fale tapu i leia ake a aso, o fakasa le aso e katoa ai loa lolatou fakamea, ti mo le moliga kia latou taki toka tasi.

Gaoi 8:22

Koia ke ke fakasemala ki lau agaveli, o faikole ki le Aliki ke fakamolemole ki le manatu o lou loto, mo kapau e feala ;

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 11:2

Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.

Efeso 6:18

Kotou fai i temi fuli i le Laumalie a kole kesekese fuli ti mo ni tagi. Kotou tokaga ki le nea lena mo se kataki fualoa katoa, ti kotou ulufaki le kau sagato fuli.

Uluaki tosi a Samuele 16:5

Na tali loa Samuele : E io ; e kau au ke momoli se sakilifisio ki le Eteleno. Kotou fakamea, ti kotou au mo au ki le sakilifisio. Na pati loa Samuele ke fakamea Isaia mo ona vosa, ti na fakaafe loa e ia latou ki le sakilifisio.